影片
更多
2025-01-21
0 瀏覽
之前係中環去過主打日本四國高知縣料理嘅高知駅，佢哋嘅料理高質又有特色，仲好有氣氛🔥佢哋最近就係銅鑼灣開咗新店－高知城，地方更大更闊落，菜式仲upgrade咗，可以食到唔少時令矜貴刺身、壽司、串燒，仲有得任飲清酒🍶好食又抵食，好啱同朋友嚟嘆美食又得，飲下酒亦得。🍶清酒放題男士 $168、女士 $98兩小時任斟任飲4款sake，酒鬼啱晒，可以不醉無歸😏呢日有幾款不同品牌嘅純米酒，甜甜地好易入口或者辛口啲嘅風味都有。個清酒杯有富士山係底座勁靚😻🧀燻燒蘿蔔芝士 $58、螢光魷魚沖漬 $48、白味噌紫蘇烏賊 $128、慢煮鮟康魚肝 $68食日本菜通常對啲漬物、前菜冇乜太大興趣，但呢度嘅出品就高質好多😋燻燒蘿蔔芝士會食到爽脆蘿蔔片以及奶香濃郁嘅芝士，味道帶點煙燻香氣，估唔到兩者可以夾到👍🏻螢光魷魚食落充滿酒香。烏賊面頭加入矜貴海膽，鮮味加乘🥳🐟鰹魚半敲燒 $128呢道菜係日本四國高知縣名物，香港好少地方有得食，仲有表演睇添！師傅會用稻草燒，令現場火光熊熊🔥仲飄出煙燻香氣。鰹魚呈半生熟狀態，加入清爽嘅蔥絲以及酸酸地嘅醬汁，開胃又特別😽🍣時令刺身4點 $328、北寄貝刺身 $168、席位壽司五貫（三文
🍶清酒放題男士 $168、女士 $98
兩小時任斟任飲4款sake，酒鬼啱晒，可以不醉無歸😏呢日有幾款不同品牌嘅純米酒，甜甜地好易入口或者辛口啲嘅風味都有。個清酒杯有富士山係底座勁靚😻
🧀燻燒蘿蔔芝士 $58、螢光魷魚沖漬 $48、白味噌紫蘇烏賊 $128、慢煮鮟康魚肝 $68
食日本菜通常對啲漬物、前菜冇乜太大興趣，但呢度嘅出品就高質好多😋燻燒蘿蔔芝士會食到爽脆蘿蔔片以及奶香濃郁嘅芝士，味道帶點煙燻香氣，估唔到兩者可以夾到👍🏻螢光魷魚食落充滿酒香。烏賊面頭加入矜貴海膽，鮮味加乘🥳
🐟鰹魚半敲燒 $128
呢道菜係日本四國高知縣名物，香港好少地方有得食，仲有表演睇添！師傅會用稻草燒，令現場火光熊熊🔥仲飄出煙燻香氣。鰹魚呈半生熟狀態，加入清爽嘅蔥絲以及酸酸地嘅醬汁，開胃又特別😽
🍣時令刺身4點 $328、北寄貝刺身 $168、席位壽司五貫（三文魚、三文魚子、紋甲魷魚、拖羅、池魚）$98
刺身款式會不時更換，四款都好高質👏🏻海膽夠甘香，金目鯛幾爽彈。北寄貝都值得一試，用原個殼盛載夠吸睛，爽口鮮甜😛壽司set就幾抵食🤑拖羅鮮甜軟滑，配麵豉湯同漬物。
🦀特濃蟹膏甲羅焗飯 $128
蟹膏甲羅燒一向令人又愛又恨，既愛佢嘅濃郁亦怕太rich太邪惡🤣呢度就做成焗飯版本，香濃嘅蟹膏底下有炒飯底，裡面混入大量蟹肉，食落好滿足😚
🍢A5薩摩和牛串 $98、黑豚腩肉大蔥串 $48、燒白鱔 $88、京都絹豆腐 $32、七味汁燒小玉葱 $24、青椒仔 $28、日本冬菇 $28
串燒質素普遍都幾高👍🏻薩摩和牛有油脂香及肉香，豬腩肉就彈牙，白鱔都燒得幾好，啖啖肉皮又香。七味汁燒小玉葱爽口辛辣😽
🍤山葵醬油脆燒虎蝦 $88、自家製免治雞肉蓋 $68
大大隻虎蝦鋪上山葵醬油再燒，燒到面頭脆脆地😙免治雞肉配流心蛋黃，混和鹹香嘅醬汁幾惹味。
🍶清酒煮淺利 $88、唐揚炸雞 $68
有超多蜆，湯頭味道幾濃郁鮮味💦炸雞啖啖肉唔會乾。
🍨雪糕配蕨餅 $78
豆腐雪糕豆味濃郁👍🏻抹茶蕨餅冰冰涼涼，做飯後甜品一流。
推介指數（10分為滿分）：8.5分
張貼
