影片
更多
2023-12-22
37 瀏覽
天氣轉冷除左打便爐之外，泰國菜都係唔錯選擇，飲個冬蔭就絕對暖身，於是Lunch搵下銅鑼灣邊度有泰國餐廳，搵到有間係逸園中心，仲要係28樓，我諗係全香港都應該係數一數二最高的泰國餐廳。入到去坐，就先睇下有咩抵食Lunch Set，估唔到個Lunch Menu，有個泰式鍋物，可以揀冬蔭湯底，仲可以自己搭配食材，當佢係火鍋，咁梗係揀個肥牛片，再搭配埋個粉絲，一鍋兩食，既可以飲冬蔭，又可以當佢打便爐，咁先$78，好抵。冬蔭飲落酸酸味味，胃口大增，又暖身。再叫左個炒鮮蝦金邊粉，侍應一放上枱個下，賣相好吸引，即刻打左張卡先，食落第一啖，乾身度岩岩好，再吱上新鮮檸檬汁，味道酸酸甜甜，好開胃，撈埋蛋絲同大蝦，好惹味。食泰國菜，泰式炒通菜幾乎必叫，今次當然都唔例外，炒得好有鑊氣，加埋個馬拉盞醬，好惹味。另外，兩個人叫左冬瓜龍眼茶同黑糖薑茶。我杯冬瓜龍眼茶飲落滋補又潤喉，同香甜。兩個人埋單先，每個人先百幾蚊，抵食。
再叫左個炒鮮蝦金邊粉，侍應一放上枱個下，賣相好吸引，即刻打左張卡先，食落第一啖，乾身度岩岩好，再吱上新鮮檸檬汁，味道酸酸甜甜，好開胃，撈埋蛋絲同大蝦，好惹味。
食泰國菜，泰式炒通菜幾乎必叫，今次當然都唔例外，炒得好有鑊氣，加埋個馬拉盞醬，好惹味。
另外，兩個人叫左冬瓜龍眼茶同黑糖薑茶。我杯冬瓜龍眼茶飲落滋補又潤喉，同香甜。
兩個人埋單先，每個人先百幾蚊，抵食。
張貼
