小魚兒 (寶漢大廈) (已結業)

今次嚟到小魚兒，唔係食魚，而係專攻佢哋嘅另一招牌——雞煲❤️呢度嘅雞煲真係唔少人推介，所以今次決定嚟試吓究竟有幾好食。🟧重慶麻辣雞煲我哋揀咗半份嘅重慶麻辣雞煲，點咗BB辣+小麻，呢個辣度對我嚟講已經夠惹味。一打開煲蓋，香辣味即刻飄出嚟，真係勁吸引！雞件數量都幾足，啲雞肉嫩滑入味，每一啖都充滿香麻辣味道。雖然係BB辣，但辣勁都唔馬虎，啱啱好夠你食到又唔會覺得過火。🟪美國肥牛 + 響鈴雞煲食到尾聲，梗係要加啲配料嚟變身做邊爐啦！我哋揀咗美國肥牛同響鈴，加埋雞煲嘅濃厚雞汁一齊煮。肥牛片片滑溜，牛味濃郁，而響鈴吸曬個湯汁，入口係滿滿嘅滋味，雞煲嘅湯底同啲配料融合得好好！🟨金湯花膠雞絲翅撈飯最後嚟個壓軸——金湯花膠雞絲翅撈飯，真係平靚正！魚翅份量唔少，大大舊，配埋大碗熱辣辣嘅白飯，簡直係完美組合。砂鍋上枱嘅時候，個飯仲係咁滾，濃濃嘅金湯配埋香滑嘅雞絲，真係食到好滿足。