川滿居 (京都廣場)

營業中

休息中

呢間裝修得好有中國風專嘅川菜，食物選擇好多。入到嚟唔知揀咩，店員都好有禮貌詳細講解菜單，好貼心。涼拌黃金皮蛋：啖啖皮蛋嘅滑嫩，加上啲辣椒油同蒜末，鹹香又帶點辣，開胃得嚟又唔會太重口味，正！京蔥羊肉配麼麼皮：呢度菜炒得好香，麼麼皮就似食片皮鴨嗰種，可以包埋羊肉食，呢個組合真係冇得輸，羊肉嘅香味同京蔥嘅清新味道好搭。水煮魚都係必食嘅一道。魚片新鮮，湯底辣中帶麻，辣得嚟但又唔會蓋過魚肉嘅鮮味。當中仲有其他配菜有金菇同埋薯粉，而且份量都好多。