川燒 串燒·酒埸

營業中

休息中

行過銅鑼灣見到川燒 串燒·酒埸裝修好有feel，就約朋友嚟呢間串燒店試下，今晚食咗好多款菜式，全部都好好味，值得推介。川燒豆腐，啲豆腐大大塊，食落去好脆好香口，加埋啲辣醬同蔥更開胃。鵝肝煎雙蛋飯，望落好似黯然銷魂飯，鵝肝煎到好香，配合醬油同蛋撈飯食，食完好滿足！燒法國鮮露筍，露筍夠新鮮夠juicy，灑咗少少孜然粉，味道更突出。川香肉碎燒茄子，茄子好多汁，有啲魚香茄子嘅風味，真係好好食！如果你鍾意食牛脷，就要試下佢地嘅燒特級厚切牛脷喇，牛脷好厚身，仲彈牙有咬口，加埋黑椒嘅味道，非常惹味。嗰日仲試咗佢哋嘅時令海鮮，都非常出色，例如川味麻辣花甲，花甲好肉地亦唔算好辣。燒蘇格蘭蟶子皇，蟶子鮮甜好肉，而且蒜香美濃。食到飽飽，甜品就揀咗佢地嘅蜂蜜燒鳳梨。鳳梨燒得啱啱好，加上啲蜂蜜嘅甜味，又好食又健康。飲品我朋友叫咗啤酒，話串燒必備喎。我就叫咗荔枝梳打酒，有大大粒荔枝係梳打酒入面，好清新好香甜呀。