潮興魚蛋粉

營業中

休息中

今日收工大概都已經3:00am，附近又諗唔到有啲咩食，見到呢一間舖頭仲有開就決定入去同朋友試吓😃 睇落價錢餐牌都好合理，唔會話因為開到好夜就收好貴😁 夜晚都幾多人買，呢個時段都竟然有幾台客我就叫咗牛腩河粉，牛腩嘅份量都幾多，比我想像中大碗，都起碼有七至八件，河粉嘅軟硬度適中，唔會有太林嘅情況，再加埋牛腩汁，成碗河粉非常鮮味😀牛腩亦都做得非常林，唔會有好柴嘅感覺，亦都做得非常入味，忍唔住食完一件又一件🤣 最後每人$42，銅鑼灣地區宵夜嚟講算幾平。