川滿居 (京都廣場)

營業中

休息中

好耐無食川菜喇，朋友話想試下，佢話呢間“川滿居”係銅鑼灣開業多年，味道、質量都唔錯，我地星期一晚去都坐無虛席。我地叫左3菜，1甜品，2飲品自助落單，都好方便..💜金湯酸菜魚**$188 (小)食川菜點少得酸菜魚呢！可以揀辣度，揀BB辣就啱食唔到辣嘅朋友仔。大大盤金黃湯底，配料豐富，可以加錢加配料。湯底有大量鮮滑魚片及酸菜，魚肉白滑不腥，配料有薯粉、酸菜、萵筍片、金菇，建議加薯粉邊飲啖湯再食滑溜薯粉，好夠滋味。..💜川香鮑魚雞煲**$168這個大堆頭鮑魚雞煲，CP值都幾高，可以揀辣度。朋友唔太食得辣就叫左唔辣。份量足夠3至4人分享，5煙靭鮑魚，雞件加埋好惹味嘅醬汁，食唔停口啊！..💜京蔥牛肉**$88大量蔥炒牛肉，揀BB辣，牛肉口感軟腍，醃得入味，味道啱啱好，唔會好咸，每份有8塊麽麽皮夾住食，食極都唔會厭。💜紅糖糍粑一碟有八件，即炸即食，建議後叫就能保持熱度，這炸糯米膏外脆內煙靭，點紅糖漿增添美味。