影片
更多
2022-06-22
88 瀏覽
朋友喺銅鑼灣返工，呢日佢帶我去咗一間佢午餐成日食嘅店「CHIMPZ」。如果唔係佢介紹，我都唔知有呢間餐廳，店舖位於巷仔內街，位置唔顯眼，但好在佢識得用射燈招牌💡。店舖面積唔大，一眼睇晒。儘管如此，店家亦悉心佈置環境，四周圍掛上猿猴公仔，以配合返餐廳名字同主題Chimpz🦧。餐廳介紹自己為日系西餐店，顧名思義，佢兩樣菜式都有賣🍽🍱，例如有蓋飯、意粉同扒食等。主菜價錢由$88至$208不等，有平有貴，定價屬中等水平啦。厚切肉眼牛扒配紅菜頭蕃薯蓉及雜菌($208)，🥩牛扒實物同圖片有啲出入，因為並非厚切，而且亦無切開，不過味道搭救。牛扒七成熟，邊位帶點肥膏，食落肉味幾濃又多汁，黑松露牛油調味幾惹味，唯獨係爭少少口感。伴菜唔係一般嘅炸薯條，廚師精心配搭咗紅菜頭蓉同雜菇👍。意大利黑松露牛肝菌意大利粉($108)，🍝意粉款式繁多，我揀嘅呢款都唔錯，但唔小心撞咗牛扒嘅伴菜，令口味重覆咗。🍄黑松露汁好濃郁，配以大量雜菇，每條意粉均掛滿汁，但食到尾段就有啲啲滯。另外，麵條處理得幾好，質感彈牙。Chimps法式焦糖燉蛋($68)，燉蛋溫度微微凍🍮，面頭鋪上一層焦糖，甜得嚟無過盛，但有少少痴牙。燉蛋口感細滑
朋友喺銅鑼灣返工，呢日佢帶我去咗一間佢午餐成日食嘅店「CHIMPZ」。如果唔係佢介紹，我都唔知有呢間餐廳，店舖位於巷仔內街，位置唔顯眼，但好在佢識得用射燈招牌💡。
店舖面積唔大，一眼睇晒。儘管如此，店家亦悉心佈置環境，四周圍掛上猿猴公仔，以配合返餐廳名字同主題Chimpz🦧。
餐廳介紹自己為日系西餐店，顧名思義，佢兩樣菜式都有賣🍽🍱，例如有蓋飯、意粉同扒食等。主菜價錢由$88至$208不等，有平有貴，定價屬中等水平啦。
厚切肉眼牛扒配紅菜頭蕃薯蓉及雜菌($208)，🥩牛扒實物同圖片有啲出入，因為並非厚切，而且亦無切開，不過味道搭救。牛扒七成熟，邊位帶點肥膏，食落肉味幾濃又多汁，黑松露牛油調味幾惹味，唯獨係爭少少口感。伴菜唔係一般嘅炸薯條，廚師精心配搭咗紅菜頭蓉同雜菇👍。
意大利黑松露牛肝菌意大利粉($108)，🍝意粉款式繁多，我揀嘅呢款都唔錯，但唔小心撞咗牛扒嘅伴菜，令口味重覆咗。🍄黑松露汁好濃郁，配以大量雜菇，每條意粉均掛滿汁，但食到尾段就有啲啲滯。另外，麵條處理得幾好，質感彈牙。
Chimps法式焦糖燉蛋($68)，燉蛋溫度微微凍🍮，面頭鋪上一層焦糖，甜得嚟無過盛，但有少少痴牙。燉蛋口感細滑，唔會太厚或太稀，蛋香濃郁，好味道。
主菜可加$38升級做套餐，包沙律或餐湯同凍熱飲品。🥗田園沙律正正常常，啲菜新鮮嘅，醋汁好酸，醒神開胃。
是日餐湯係紅菜頭忌廉湯，💜🥕紅菜頭隻紫紅色靚靚，餐湯幾好味，口感有啲似薯蓉湯，因為充滿打溶晒嘅紅菜頭肉，味道帶啲天然嘅甜味。
飲品方面，我哋要咗凍日本抹茶拿鐵($26)同凍桂花蜜香紅茶($26)，飲品原價都唔貴。🍵Latte好好飲，抹茶同奶味平衡，甜度恰到好處。紅茶都OK，散發出陣陣桂花香🌼。
總括嚟講，從多方面(由餐牌設計以至店家同客人嘅溝通交流上)都睇得出小店用心經營，值得支持💪☺️。店員高度推介豬鞍扒，可惜朋友唔食豬，所以無食到，大家嚟幫襯的話不妨試吓啊。
張貼
