P.B.S. Premium Burger & Sandwich (已結業)

銅鑼灣嘅希雲街有唔少人氣餐廳，其中呢間主打漢堡包嘅P.B.S. Premium Burger & Sandwich就係我哋近期最愛！因為餐廳嘅漢堡包款式夠多之餘，仲真正即叫即做，夠晒新鮮熱辣！加上牛肉漢堡係人手手打，非常juicy，絕對係必食推介。經典手工和牛漢堡餐廳嘅代表作當然就係經典手工和牛漢堡啦！漢堡以澳洲和牛牛肉同頂級安格斯牛肉混合而成，加上全人手手打，所以食嘅時候爆晒汁，肉味濃郁，非常juicy！漢堡包入面仲加入雞蛋、生菜、酸瓜、煙肉、洋蔥、蕃茄、芝士用埋蛋黃醬，成個漢堡包非常足料大大個，大口如M佬嘅都唔可以一大啖咬落去，但絕對係口感豐富！至於麵包亦唔係馬虎了事，餐廳特登搜羅本地麵包鋪嘅高質麵包，並預先烘烤，所以我哋食嘅時候就非常香脆。雞肉凱撒沙律三文治除咗漢堡包，餐廳亦有多款三文治，最深得我心嘅就係雞肉凱撒沙律三文治。三文治上面有唔少雞胸肉，食得健康之餘，雞肉仲唔會太乾太嚡。凱撒沙律有好多蔬菜，加上沙律醬汁，非常惹味。黑松露薯條薯條即叫即炸，非常香口！每一條薯條都佈滿黑松露味粉，加埋秘製醬汁，好好味！