Le Marron (已結業)

公司舉辦品酒晚宴。身為酒徒的我，豈容錯過？來到 le marron, 三道菜只係每位$450(%+10%)，法國菜來說，真係超值。仲要唔收開瓶費!環境說不上最美侖美奐，係迫咗少少同多人時有小小嘈，特別係大家都酒上腦後。酒杯非名牌酒杯但質素不俗，畢竟唔收開瓶費，唔可以咁高要求 。來個法式焗田螺薯蓉。香草橄欖油汁提升田螺鮮味，田螺粒粒飽滿豐盈，口感彈牙。薯蓉焗得好香，配上田螺嘅汁好滑好好味。跟住係餐湯：蘑菇湯，上面係松露油。蘑菇湯好鮮味，湯中有粒粒蘑菇，非常足料。美中不足係松露油聞落好香，飲落無咩味，令人覺得有啲空虛。蘑菇湯我係鍾意Creamy小小嘅，覺得哩個稀咗啲啲。煎豬扒好厚，一定要慢煮先得。配肉汁，灑上鹽花，輕輕調味已經好好食。裡面粉紅,有肉汁，算不錯。Apple crumble with vanilla ice cream.蘋果金寶配雲喱拿雪糕。外脆內香甜，肉桂蘋果好美味，雲喱拿雪糕充滿雲喱拿嘅黑色點點，冷熱交融，真係正。法國菜嘅甜品真係特別出色。