The Grill Room (銅鑼灣廣場二期)

其實之前都有幫襯過呢間嘅dinner，環境舒服，食物質素高，價錢合理。今個weekend出開銅鑼灣就揀咗佢既semi buffet lunch 試下，每位98就有任食salad bar,包咗湯，main course同餐飲，就算加錢既majn course，價錢都好合理，最後我哋都忍吾住加錢試佢既steak 同脆皮豬腩。餐湯一D都唔馬虎，係好好味嘅忌廉南瓜湯，好香甜幼滑。Salad bar都好吸引，有唔同嘅沙律、甜品同炸物。最合我心意嘅係佢既Cesar salad，每樣材料都好新鮮，旁邊放左大木碗俾你自己加同攪拌，抵讚。講返main course，我哋點咗medium既steak，睇顏色已經好有食慾，伴南瓜蓉同bb 西蘭花，口感好豐富，牛肉煎得焦香，無筋位。烤五花腩亦做到外脫內嫩，肉質新鮮。Weekend就咁食飽飽開始行程啦。