小魚兒 (寶漢大廈) (已結業)

出左銅鑼灣睇新戲Deadpool & Wolverine，睇之前決定食餐好嘢。望完一輪發現呢間小魚兒餐廳不但有得食麻辣雞煲，仲有龍蝦套餐，海鮮加川菜，望落唔錯就決定試一下。一入口就見到大大個靚招牌介紹烤魚，不過最後因為想試個龍蝦，我地都係選左個龍蝦二人套餐，套餐包括：「避風塘澳洲龍蝦（1斤重）」，「重慶雞堡（半隻）」，還可以選一款小食「椒鹽豆腐」 或「椒鹽鴨血」。主角避風塘龍蝦冇令我地失望，熱辣辣上枱，新鮮又惹味，未食完已經想encore 。雞煲我地雖然選左BB辣，但都好入味，唔食得辣嘅都食到。即炸嘅椒鹽豆腐大大一碟，切到細細粒，最後一粒都冇剩到就知有幾好味！