影片
更多
2021-12-06
47 瀏覽
又喺一個星期五，係出街搵食的日子。行過銅鑼灣，忽然諗到已經好耐冇食川菜，即刻上OpenRice睇吓有乜嘢介紹，見到呢間川滿居食評幾好，咁啱又喺附近，就上去睇一睇有冇位。咁好彩我哋到的時候啱啱有人埋單，咁就俾我哋攞到位坐低喇。平時食川菜我哋多數會揀烤魚，但係今晚就想食第啲嘢。餐牌上嘅選擇唔算太多，但係比較出名嘅菜式都有。老公話好肚餓，所以我哋嗌咗一個水煮魚，一個孜然羊肉，半隻片皮鴨。老公係個需要澱粉質的人，所以最後仲加咗個羊肉炒麵。水煮魚一上枱我就知道大劑，咁大碗嘢一定食唔晒。水煮魚用嘅係鱸魚，份量非常多，魚肉非常甜美鮮滑。配料方面有芽菜，雲耳，金針菇，同芹菜，墊底仲有甚多薯粉，早知喺咁就唔需要再叫個炒麵。跟住上嘅係孜然羊肉，仲跟埋六塊麽麼皮。孜然一向係我非常喜歡的調味料，呢碟羊肉亦都炒得非常有鑊氣，我會強烈推介俾鍾意食羊肉的人。接住上嘅係半隻片皮鴨。諗唔到半隻鴨嘅份量有咁多，跟埋仲有十塊麽麽皮。片皮鴨嘅味道唔錯，啲麼麽皮亦都做得非常之薄，比其他嘅餐廳做得好。其實我哋今晚叫嘅兩個餸都有麽麽皮，係我哋嘅失策，加上每一個餸嘅份量都好多，四個人食我覺得都足夠。上羊肉炒麵時，我已經飽到食唔落，所
平時食川菜我哋多數會揀烤魚，但係今晚就想食第啲嘢。餐牌上嘅選擇唔算太多，但係比較出名嘅菜式都有。老公話好肚餓，所以我哋嗌咗一個水煮魚，一個孜然羊肉，半隻片皮鴨。老公係個需要澱粉質的人，所以最後仲加咗個羊肉炒麵。
水煮魚一上枱我就知道大劑，咁大碗嘢一定食唔晒。水煮魚用嘅係鱸魚，份量非常多，魚肉非常甜美鮮滑。配料方面有芽菜，雲耳，金針菇，同芹菜，墊底仲有甚多薯粉，早知喺咁就唔需要再叫個炒麵。
水煮魚
$188
6 瀏覽
0 讚好
0 留言
跟住上嘅係孜然羊肉，仲跟埋六塊麽麼皮。孜然一向係我非常喜歡的調味料，呢碟羊肉亦都炒得非常有鑊氣，我會強烈推介俾鍾意食羊肉的人。
孜然羊肉
$98
1 瀏覽
0 讚好
0 留言
接住上嘅係半隻片皮鴨。諗唔到半隻鴨嘅份量有咁多，跟埋仲有十塊麽麽皮。片皮鴨嘅味道唔錯，啲麼麽皮亦都做得非常之薄，比其他嘅餐廳做得好。其實我哋今晚叫嘅兩個餸都有麽麽皮，係我哋嘅失策，加上每一個餸嘅份量都好多，四個人食我覺得都足夠。
片皮鴨（半隻）
$168
2 瀏覽
0 讚好
0 留言
上羊肉炒麵時，我已經飽到食唔落，所以淨係食咗一啫麵叫做試味，真係佩服老公仲可以食到兩碗麵，其他嘅就打包攞返屋企。
川滿居羊肉炒麵
$88
3 瀏覽
0 讚好
0 留言
雖然係即興嘅決定，但係我對呢間餐館嘅食物非常之滿意。仲有一樣嘢要講嘅就係佢哋的服務非常之好，睇得出係非常之有心將餐廳做好的年青人。價錢方面亦都非常老實，坦白講，我哋今晚叫嘅四個餸足夠俾四個人食，所以喺間CP值高嘅餐廳，喜歡食川菜的朋友不妨去試試，話唔定都似我一樣有個意外嘅驚喜！
張貼
