Hugo Le Resto Grill (已結業)

銅鑼灣食市林立，今日黎到上樓既Hugo Le Resto Grill 食午餐，睇呢度既裝潢就知係一間傳統既扒房，燈光昏暗，有好舒服既 sofa 椅，空間闊落。不過呢度仲有好大既窗，可以欣賞到街景，感覺份外悠閑。午餐是半自助餐既形式，有湯，包，沙律吧，主菜及飲品，主菜有多款主菜選擇，價位大約$70～140，都幾抵食。餐湯係磨菇湯，忌廉湯入面有打碎既磨菇，好有口感。面包香脆熱辣辣。沙律吧要各種沙律菜，粟米，蕃茄，青瓜，煙肉粒，面包粒，生果等等，另有多款沙律醬汁選擇。扒鱈魚柳配普羅旺斯燉菜鱈魚柳表面煎得好香脆，沾少許岩鹽，好好味！😋香煎美國厚砌豬扒伴芥末蘋果汁豬扒有一吋厚有多，煎得剛好，把肉汁鎖著。