影片
更多
2023-01-15
95 瀏覽
銅鑼灣名店坊食街一向出名多嘢食，中伏嘅比例較低😆。我哋呢晚就訂咗枱食「Coast Seafood & Grill」，因為網上睇餐牌好似幾吸引。餐廳面積非常大，並設有室外座位，天氣涼爽坐出面幾Chill，不過店內有大木枱，就比較適合一大班人或家庭聚會👨👩👧👦。餐廳所提供嘅菜式選擇繁多，涵蓋多國美食。佢嘅餐牌直頭整到成本書咁📖，相當精美。但亦因為咁，我未能逐版影低上傳分享。泰式羽衣甘藍燒牛肉沙律($135)，🥗沙律帶出泰菜嘅精髓，酸辣醬汁令人開胃。除咗羽衣甘藍之外，沙律仲有生菜、青瓜、蕃茄同洋蔥等，並加入大量花生粒。另一主角係燒牛肉🥩，估唔到都唔錯，食落多汁，又有燒烤嘅香氣。香蔥魚子醬炸馬介休卷($120)，炸物賣相好似中式炸豆腐，酥炸外皮唔油膩，入面就係忌廉芝士混馬介休鹹魚蓉🐟，口感綿綿的。可樂餅鹹香突出、唔過火，再加埋魚子醬同香蔥，雙重滋味。脆炸蘇格蘭蛋配風腸及蒜蓉蛋黃醬($105)，蘇格蘭蛋造型一流。🥚雞蛋蛋黃流心效果一流，外層被香腸肉緊緊包裹，保留傳統風味。我略嫌香腸肉質稍為鬆散，不過好彩調味唔會太鹹。法芥醬忌廉燴黄油春雞配烤中東烤餅($280)，依個黃油春雞正到不得了，必食
銅鑼灣名店坊食街一向出名多嘢食，中伏嘅比例較低😆。我哋呢晚就訂咗枱食「Coast Seafood & Grill」，因為網上睇餐牌好似幾吸引。
餐廳面積非常大，並設有室外座位，天氣涼爽坐出面幾Chill，不過店內有大木枱，就比較適合一大班人或家庭聚會👨👩👧👦。
餐廳所提供嘅菜式選擇繁多，涵蓋多國美食。佢嘅餐牌直頭整到成本書咁📖，相當精美。但亦因為咁，我未能逐版影低上傳分享。
泰式羽衣甘藍燒牛肉沙律
$135
4 瀏覽
0 讚好
0 留言
泰式羽衣甘藍燒牛肉沙律($135)，🥗沙律帶出泰菜嘅精髓，酸辣醬汁令人開胃。除咗羽衣甘藍之外，沙律仲有生菜、青瓜、蕃茄同洋蔥等，並加入大量花生粒。另一主角係燒牛肉🥩，估唔到都唔錯，食落多汁，又有燒烤嘅香氣。
香蔥魚子醬炸馬介休卷
$120
6 瀏覽
0 讚好
0 留言
香蔥魚子醬炸馬介休卷($120)，炸物賣相好似中式炸豆腐，酥炸外皮唔油膩，入面就係忌廉芝士混馬介休鹹魚蓉🐟，口感綿綿的。可樂餅鹹香突出、唔過火，再加埋魚子醬同香蔥，雙重滋味。
脆炸蘇格蘭蛋配風腸及蒜蓉蛋黃醬($105)，蘇格蘭蛋造型一流。🥚雞蛋蛋黃流心效果一流，外層被香腸肉緊緊包裹，保留傳統風味。我略嫌香腸肉質稍為鬆散，不過好彩調味唔會太鹹。
法芥醬忌廉燴黄油春雞配烤中東烤餅
$280
5 瀏覽
0 讚好
0 留言
法芥醬忌廉燴黄油春雞配烤中東烤餅($280)，依個黃油春雞正到不得了，必食推介👍。雖然話係春雞，但其實唔算細隻，仲好厚肉添。雞皮焗至微脆，雞肉肉質細嫩🐔。不過最出色嘅部份係個醬汁，法芥忌廉黃油醬好惹味，即使咁重忌廉、咁Creamy，但難得唔會好漏。我認為芥辣味唔強，反而香草🌿同牛油香更突出，總之簡單講就係好好味道。
燒雞配上中東烤餅🫓，完全吸收晒醬汁嘅精華。烤餅質感本身軟熟，少少甜，蘸汁食無得輸，所以我認為得四塊唔夠喉囉。
特色提拉米蘇配比利時朱古力雪糕
$105
6 瀏覽
0 讚好
0 留言
特色提拉米蘇配比利時朱古力雪糕($105)，作為Tiramisu達人嘅我，當然要食匀市面上嘅出品👋。呢度嘅製作富有自家特色，佢並非傳統一層層嗰種口味，而係以碗裝住絲滑嘅馬斯卡邦芝士，再灑上脆米粒以添口感。佢無手指餅嘅濕潤或咖啡酒香，取而代之係朱古力🍫。比利時朱古力雪糕香甜濃郁、唔苦澀；而另外倒入甜品作伴嘅汁，可揀特濃咖啡或熱朱古力，我要咗後者，比較特別嘛，成個組合出奇地夾。不過我建議先試原味，之後先再倒入熱朱，因為味道大不同。
總括嚟講，Coast係一間極具水準嘅多國菜餐廳🍽，每一樣菜式都好食。聽聞呢度嘅海鮮都出名，但朋友唔啱食，就未有機會一嚐。呢餐消費其實無想像中咁貴，而且份量都唔少啊。
張貼
