影片
更多
2024-08-07
427 瀏覽
作為Cafeholic，一直都不斷試唔同嘅Café。仲記得第一次見到佢嘅Menu有蟹粉料理覺得超神奇，就帶埋平時唔係好去Café嘅屋企人一齊試吓。屋企人食完都大讚個蟹粉拌麵出色，都未食完就同我講話下次要嚟試吓個漢堡，賣相好靚。‣ 生拆蟹粉拌北京拉麵 $298幼麵煮得啱啱好，係我鍾意較為軟淋嘅口感。每一啖你都食到蟹粉嘅鮮甜，仲有蟹肉嘅香，滿滿嘅一大碟真係唔係講笑。金黃色嘅蟹粉同白色嘅蟹肉真係相映成趣，視覺同味覺都帶嚟享受，真係不得了。極度推薦大家嚟試，超級有誠意嘅一道菜。‣ 龍蝦扁意粉 $328扁意粉煮得啱啱好，彈牙有嚼勁。龍蝦肉鮮甜彈牙，而本身醬汁都夠晒濃郁香滑，同意粉真係完美結合。隔離伴碟嘅車厘茄酸酸甜甜，解膩一流，同時又令整體味道更加豐富。雖然扁意粉已經好出色，但係我覺得另一個主菜更加驚喜。‣ 日本和牛粒配喜馬拉雅山岩鹽 $128佢啲肉多到我覺得佢真係成塊牛扒嘅份量嚟，對我嚟講真係可以話係第三個主菜。和牛粒嘅肉質都幾唔錯，幾香牛味。搭配岩鹽一粒粒嘅口感，都真係好滿足。‣ 開心果Dirty $78飲第一啖嘅時候覺得咖啡好香濃，相當容易入口，而圍邊嘅開心果同朱古力醬啱啱好可以中和到浸苦
‣ 生拆蟹粉拌北京拉麵 $298
幼麵煮得啱啱好，係我鍾意較為軟淋嘅口感。每一啖你都食到蟹粉嘅鮮甜，仲有蟹肉嘅香，滿滿嘅一大碟真係唔係講笑。金黃色嘅蟹粉同白色嘅蟹肉真係相映成趣，視覺同味覺都帶嚟享受，真係不得了。極度推薦大家嚟試，超級有誠意嘅一道菜。
‣ 龍蝦扁意粉 $328
扁意粉煮得啱啱好，彈牙有嚼勁。龍蝦肉鮮甜彈牙，而本身醬汁都夠晒濃郁香滑，同意粉真係完美結合。隔離伴碟嘅車厘茄酸酸甜甜，解膩一流，同時又令整體味道更加豐富。雖然扁意粉已經好出色，但係我覺得另一個主菜更加驚喜。
‣ 日本和牛粒配喜馬拉雅山岩鹽 $128
佢啲肉多到我覺得佢真係成塊牛扒嘅份量嚟，對我嚟講真係可以話係第三個主菜。和牛粒嘅肉質都幾唔錯，幾香牛味。搭配岩鹽一粒粒嘅口感，都真係好滿足。
‣ 開心果Dirty $78
飲第一啖嘅時候覺得咖啡好香濃，相當容易入口，而圍邊嘅開心果同朱古力醬啱啱好可以中和到浸苦澀味。其實就咁望杯嘢飲都覺得相當精緻，正正因為佢唔甜，先更加突顯到咖啡本身嘅香。
‣ Tropical Sunshine $78
杯奶昔其實幾足料，飲第一啖嘅時候都覺得好精神，相對上比較重香蕉味，但係你細味下，就會發覺其實佢嘅芒果味都幾重，輕輕帶啲桃，大熱天時飲真係冇得彈。
‣ Tiramisu $68
覺得佢嘅Tiramisu超級有誠意，睇得出係自家製。Mascarpone cheese嘅調味都相當唔錯，香滑細膩，甜度適中。酒味相對上比較淡，但係咖啡味就香濃好多。每個人口味唔同，只係睇吓你鍾意邊樣嘢多啲。
張貼
