影片
更多
2022-08-17
114 瀏覽
銅鑼灣好多食Omakase嘅地方，今日去咗利園附近嘅滝壽司，每一道菜都可以睇得出餐廳嘅心思，好有驚喜，即使食咗幾次omakase ，都覺得今次好impressed。首先有精緻嘅前菜清清味蕾，按次序食落咗醋蜜調味嘅水雲水髮菜、永螺、爽甜嘅北海道白粟米、豉油醃過嘅里芋、同用麵豉湯醃過先燒嘅蝦，最後有甜甜地嘅金箔黑豆。餐廳仲準備咗鹹菜，有甜柚子皮、薑、醃蘿蔔。緊接就係鱸魚刺身同壽司，上面擺咗炒烏魚子。厚厚嘅鱸魚刺身保留咗原始鮮味，壽司上嘅鱸魚用咗另一種切法，加上小小鹹嘅烏魚子，有不同嘅口感同味道。北海道真蠔，大隻得嚟爽身，師傅加咗柚子汁，爽身帶少少清甜，海水味重，食完會喺個口度留香。北海道帆立貝，中間加咗蒸過嘅紫海膽，帶出另一個層次嘅味道。間白魚，用醬油調味，厚身有咬口，口感相對煙韌。池魚，落咗酸酸甜甜嘅無花果汁帶出鮮味，池魚肉質腍身，但獨特嘅切法令口感變得好特別，體現師傅刀工。北海道海膽，海膽味濃而且口感 creamy，適合配白飯一齊食。倒蟹，賣相一流之餘味道亦都好新鮮，師傅用咗白桃同蛋黃醋做頂，下面係蟹膏同蟹肉，甜酸之間夾雜住蟹膏嘅鹹味。竹籤魚，加咗柚子皮，食嘅時候聞到柚子嘅清香。見住師
1 瀏覽
0 讚好
0 留言
首先有精緻嘅前菜清清味蕾，按次序食落咗醋蜜調味嘅水雲水髮菜、永螺、爽甜嘅北海道白粟米、豉油醃過嘅里芋、同用麵豉湯醃過先燒嘅蝦，最後有甜甜地嘅金箔黑豆。
餐廳仲準備咗鹹菜，有甜柚子皮、薑、醃蘿蔔。
鱸魚刺身壽司
3 瀏覽
0 讚好
0 留言
緊接就係鱸魚刺身同壽司，上面擺咗炒烏魚子。厚厚嘅鱸魚刺身保留咗原始鮮味，壽司上嘅鱸魚用咗另一種切法，加上小小鹹嘅烏魚子，有不同嘅口感同味道。
北海道真蠔
1 瀏覽
0 讚好
0 留言
北海道真蠔，大隻得嚟爽身，師傅加咗柚子汁，爽身帶少少清甜，海水味重，食完會喺個口度留香。
北海道帆立貝，中間加咗蒸過嘅紫海膽，帶出另一個層次嘅味道。
間白魚
32 瀏覽
0 讚好
0 留言
間白魚，用醬油調味，厚身有咬口，口感相對煙韌。
池魚
1 瀏覽
0 讚好
0 留言
池魚，落咗酸酸甜甜嘅無花果汁帶出鮮味，池魚肉質腍身，但獨特嘅切法令口感變得好特別，體現師傅刀工。
北海道海膽
3 瀏覽
0 讚好
0 留言
北海道海膽，海膽味濃而且口感 creamy，適合配白飯一齊食。
倒蟹
0 瀏覽
0 讚好
0 留言
倒蟹，賣相一流之餘味道亦都好新鮮，師傅用咗白桃同蛋黃醋做頂，下面係蟹膏同蟹肉，甜酸之間夾雜住蟹膏嘅鹹味。
竹籤魚，加咗柚子皮，食嘅時候聞到柚子嘅清香。
見住師傅用火槍燒緊一罌嘢，原來係上面擺咗魚子醬嘅劍魚，打開蓋嘅時候聞到撲鼻嘅木薰味。
原隻紫海膽
2 瀏覽
0 讚好
0 留言
原隻紫海膽，肉質相對結實，仲好好肉地。
紫蘇拖羅
1 瀏覽
0 讚好
0 留言
紫蘇拖羅，中間係自家製梅醬，可以中和拖羅肥美油脂嘅油膩感，紫菜亦好香脆。
鯖魚
0 瀏覽
0 讚好
0 留言
鯖魚，用米糠去醃過，上面加少少芝麻。生食鯖魚比較少見，食落魚味更濃並帶芝麻香味。
海鮮清湯，有蜆肉、蟹肉、龍躉，雖然叫清湯，但係有媲美馬賽魚湯嘅香濃海鮮味。
北海道夕張蜜瓜、自家製Bailey蛋糕
1 瀏覽
0 讚好
0 留言
甜品有清甜嘅北海道夕張蜜瓜同自家製Bailey蛋糕，蛋糕有不同層次嘅甜，Bailey 味道突出但唔會太重酒味，底部又有黑糖漿點綴。
最後有烘焙綠茶，餐廳用橡木薰過茶葉，令茶味更為香濃。
張貼
