Moon Ocean (耀華街)

營業中

休息中

今日放工約咗兩個好朋友，一齊happy Friday喺銅鑼灣搵咗間以海洋作為主題嘅Bar 傾吓偈敘吓舊。入到去樓底好高，投射咗好多屬於海洋顏色嘅燈光。唔知以為去咗一個水族館。場內真係有個魚缸俾大家打卡。餐廳內設有幾張貼窗嘅半圓形皮做嘅卡位，幾個朋友坐埋一齊，把酒聊天非常舒服。場內仲有Beer Ping Pung、掟飛鏢同桌球玩。餐廳超多特色Cocktail選擇。Strawberry Frenzy $88以紅酒及草莓汁調配而成嘅Cocktail，飲落去超有果味，比較light，酒味唔會過重，女士最適合飲用。Moon Ocean $138紅提子喺面作裝飾，漸變嘅海洋藍色，非常吸晴。飲落陣陣果香味，Gin 底再加上唔同嘅熱帶水果調配而成嘅cocktail。可以同Bartender講你想要咩嘢色，如果冇講明，佢地會根據你嘅心情調配出一杯海洋顏色嘅Cocktail。炸春卷非常香口鬆脆炸薯條超好味，炸到好鬆脆、好重薯仔味避風塘魷魚避風塘味魷魚、魷魚非常爽、彈牙、炸完都仲有水份，好味，送酒一流。避風塘雞軟骨雞軟骨炸到好軟身，配上避風塘式無得頂。