究極堂 (永光中心)

營業中

休息中

餐廳主打日本料理，總店在炮台山，最近在銅鑼灣開左新分店，同樣設有VIP房，啱晒一大班朋友嚟gatherings。牛油帆立貝粟米汁配薯條：帆立貝大粒又新鮮，配料有三色椒、芝士、洋蔥、粟米等，成個鐵板上，滋味無窮。自家製炸雞伴洋蔥沙律：炸雞外脆內軟，配上酸酸甜甜既日式沙律醬和洋蔥絲，正好將炸物既油膩感抵銷了。4重芝士炸蝦卷：賣相好靚，面層有炙燒過既芝士，飯卷裡面又再捲住芝士，入口芝士味道非常濃郁，再配上香脆既炸蝦，無得輸。明太子芝士玉子燒：玉子燒配上明太子沙律醬和香蔥，輕輕用刀一切，明太子和芝士瞬間從嫰滑既蛋汁中流出來，口感嫩滑，香味濃郁，必點。明太子什菌地雞薄餅：餅底外脆內軟，帶少許炭火香氣，什菌味道濃郁， 加埋明太子同芝士互相輝映，層次感豐富，再加上嫩滑既雞肉，好味指數爆燈。迷你鰻魚飯拼牛肉烏冬：鰻魚口感滑嫩，肥美肉厚，細細碗都過足口癮，爽彈有咬口既烏冬，配肉質嫩滑既牛肉，成個組合配搭得天衣無縫。雪糕班戟：班戟皮透薄煙韌，搽滿花生醬同朱古力醬，再加上雪糕和麻糬，超級滿足。我哋對餐廳既食物質素，服務態度都非常滿意，下次同朋友聚會，又有多個選擇。