影片
更多
2024-12-17
1690 瀏覽
識得我耐既朋友都知我鍾意食放題，火鍋、點心、甜品，仲有酒精放題我都好鍾意🤭所以日式放題可以all in one就啱哂我😆極尚大喜屋，我又黎啦！✌️入座第一步掃QR code，碌下menu落好單，外面自助區今期有燒味。 叉燒、化皮燒腩仔，見到新鮮出爐原隻乳豬仔，第一時間夾幾件，脆卜卜有驚喜，媲美酒家級數！圓盤有燒鴨之外，風味四川口水雞幾吸引，雞肉香辣夠滑。日式煎餃、小龍蝦都有！ 有熱騰騰竹籠蒸點心，有高湯小籠包、蝦餃、牛肉球等等自選刺身，有大大隻赤蝦、甜蝦、油甘魚、帶子、池魚王。 花雕醉鮑魚，爽口入味！ 泰式剌身虎蝦，配酸辣醬汁食特別鮮！冰鎮柚子海蜇頭都好脆彈！最鍾意佢嘅創作壽司海膽魚籽拖羅蓉脆餅尤其吸引，海膽香濃魚籽鮮味，伴青瓜拖羅蓉整塊品嚐幾滋味！ 芝士飛魚籽鳗魚玉子燒，雙層玉子燒夾住咸香飛魚籽、軟綿芝士拌鰻魚，口感豐富。海膽魚子拖羅蓉脆餅、魚籽醬龍蝦沙律多士、鵝肝醬薄牛、芥末寶石魚生都要加單！ 必食燒乳鴿，肉嫩外皮油香。川燒廣島蠔夠juicy，連炸蒜葱粒醬油爆香。 厚切鵝肝多士好味要加點！ 盬燒海蝦串，味道咸香飲住Sapporo啤酒食好好味！ 清酒煮蜆，粒粒蜆肉鮮甜，充滿牛油酒香氣味
火鍋、點心、甜品，仲有酒精放題我都好鍾意🤭
所以日式放題可以all in one就啱哂我😆
極尚大喜屋，我又黎啦！✌️
入座第一步掃QR code，碌下menu落好單，外面自助區今期有燒味。
叉燒、化皮燒腩仔，
見到新鮮出爐原隻乳豬仔，第一時間夾幾件，脆卜卜有驚喜，媲美酒家級數！
圓盤有燒鴨之外，風味四川口水雞幾吸引，
雞肉香辣夠滑。
日式煎餃、小龍蝦都有！
有熱騰騰竹籠蒸點心，有高湯小籠包、蝦餃、牛肉球等等
自選刺身，有大大隻赤蝦、甜蝦、油甘魚、帶子、池魚王。
花雕醉鮑魚，爽口入味！
泰式剌身虎蝦，配酸辣醬汁食特別鮮！
冰鎮柚子海蜇頭都好脆彈！
最鍾意佢嘅創作壽司
海膽魚籽拖羅蓉脆餅尤其吸引，
海膽香濃魚籽鮮味，伴青瓜拖羅蓉整塊品嚐幾滋味！
芝士飛魚籽鳗魚玉子燒，
雙層玉子燒夾住咸香飛魚籽、軟綿芝士拌鰻魚，口感豐富。
海膽魚子拖羅蓉脆餅、魚籽醬龍蝦沙律多士、鵝肝醬薄牛、芥末寶石魚生都要加單！
必食燒乳鴿，肉嫩外皮油香。
川燒廣島蠔夠juicy，連炸蒜葱粒醬油爆香。
厚切鵝肝多士好味要加點！
盬燒海蝦串，味道咸香飲住Sapporo啤酒食好好味！
清酒煮蜆，粒粒蜆肉鮮甜，充滿牛油酒香氣味。
黃金軟殼蟹，金黄香脆、炸魚皮、炸蝦天婦羅都不俗！
留肚食原個燕窩椰汁燉木瓜，夠哂養顏滋潤超讚！作為榴槤控，見到甜品櫃裡榴槤芝士撻真係心心眼，入口真係有榴槤飄香感兼有果肉，軟糯榴槤糯米滋一樣正！
張貼
