帝樂德國餐廳 (Fashion Walk) (已結業)

餐廳有濃濃嘅西部風情，牆上掛滿咗動物標本模型，好似置身於一個西部小鎮嘅酒館，氣氛輕鬆又有趣。當日熱情嘅經理親自介紹菜單，服務滿分！一下叫多啲人再嚟，一定會試下佢招牌「脆皮燒豬肘」！香濃南瓜湯湯底濃稠，南瓜嘅香甜味非常突出，表面灑咗少許忌廉同香草碎，增添咗一層奶香同香氣。烤安格斯西冷牛扒配炸薯角西冷上枱嘅時候香氣四溢，牛扒煎得外層微焦，而內裡仲保持嫩粉紅嘅中等熟度，鮮嫩多汁。炸薯角外脆內鬆，份量十足。烤美國牛仔骨配炸薯條肉質軟嫩，帶有輕微嘅炭香，咬落去啖啖肉味。黑椒汁濃郁但唔會過重，啱啱好帶出牛肉嘅香味。餐廳自家推出左非常特別嘅「櫻花蝦瑤柱蘿蔔糕」，非常值得一試！口感細滑嘅蘿蔔糕、鮮味嘅瑤柱同香脆嘅櫻花蝦完美結合，層次感非常豐富！現時仲有早鳥八折優惠，CP值超高！