炊豕店 (加路連山道) (已結業)

身邊幾個唔同圈子嘅朋友都介紹一定要試吓炊豕店嘅豬扒飯！讚豬扒好食之餘，份量大，價錢又貼地，讚到咁試一試先知😂 晚餐時間等一兩張枱，不過好快有位。主菜以豬扒飯為主，亦有豬軟骨、豬手、肉燥等等，可以另加配料，例如滷水蛋、煎蛋、午餐肉、或者醬汁。另外有自家滷水、小食。==============================🔸蔥油豬扒飯 $64 + 滷水雞蛋 ($8)豬扒cover成個碗面，感覺好吸引外層脆卜卜，而且切得厚身有口感，鎖住肉汁濕潤唔柴。珍珠米飯煙韌，軟硬適中。蔥油小山丘見到就興奮，唔過鹹好送飯。🔸滷水牛展 $38牛展肉質細緻，一層筋一層肉，筋位都好腍滑，仲好入味，下面有大豆芽索汁🔸滷水雞腎 $28雞腎滷得入味，質感爽脆但唔硬🔸肉燥凍豆腐 $22涼浸浸嘅豆腐淋上滷水肉燥，濃味醬汁balance清淡嘅豆腐，肉丁有返咁上下大細，再加埋鰹魚碎，多重口感。整體嚟講，豬扒飯份量幾大，如果兩個人share，加多一兩個小食啱啱好。==============================炊豕店 (加路連山道) 📍銅鑼灣加路連山道11號地下