101手工涮涮鍋 (金朝陽中心二期 - Midtown)

營業中

休息中

呢間餐廳平日有做lunch set，十分抵食，一飯/麵加三餸同飲品先ard $60，但就長期超多人，要食就真係要預多啲時間排隊先搞得掂湯底叫咗沙茶湯底，當然要叫埋沙茶牛肉，平時都食開，牛大件又多。另一個推介係秘製台灣雞件，平時邊爐唔食雞嘅我都次次會叫，真心又滑又夠味。 另外個餸就嗌咗羽衣甘籃，感覺立即健康咗🤣。朋友都係沙茶湯底，但就好邪惡地叫咗公仔麵，都偷食咗幾條麵，索哂湯底係正嘅。飲品就叫咗杯熱蜜桃水果茶。 偏甜咗啲但係好多水果粒。同事就叫咗邪惡嘅忌廉砂冰，呢度凍飲一向大杯到傻，呢杯已經唔算大杯。位置方面，今次坐到近窗口卡位，幾十蚊仲有海景位，認真不得了。