影片
更多
2025-01-17
0 瀏覽
同朋友啱啱好喺誠品行完街，諗住是但搵啲嘢食下，冇諗過咁帶到驚喜俾我哋。由小食到主菜最後到甜品我哋都超級滿意，呢個價錢但係呢個質素我覺得絕對抵比。‣ 墨魚滑燒玉米燒 $68本身諗住係墨魚漿撈粟米，結果原來係粟米仔夾住墨魚滑，視覺效果嚟講都幾得意。面頭仲有啲鹹蛋黃碎，唔同嘅口感、層次，再加埋鹹蛋黃嘅味道，我覺得呢個小食都值得嗌。‣ 麻吉鹽酥雞 $78食台灣菜唔食鹽酥雞好似爭啲嘢咁，所以循例都會嗌返碟鹽酥雞，平時食到嘅鹽酥雞好容易柴同埋乾，但係麻吉嘅鹽酥雞做得超嫩超好食，隔離仲有蛋黃醬俾你搭配一齊食。而佢嘅份量絕對對得住佢呢個價錢，值得一試。‣ 超夯海鮮綜合蓋飯 $138魚生飯、丼飯就食得多，但係呢一個蓋飯都幾過癮，冇諗過原來三文魚子撈埋魯肉一齊食個味道都係出乎意料之外嘅好。雖然係有少少辣，但係反而因為咁樣所以唔會覺得好膩。魷魚、貝柱同埋蝦仁原來都幾夾三文魚子，食嘅時候真係啖啖滿足。‣ 經典牛肉全家福麵 $138牛肉麵啲麵條好煙靭，同平時食到嘅麵條唔一樣，所以淨係個面底都比到驚喜我。面頭嘅溏心蛋都真係超級吸引，而且嗰啲牛肉超大塊，佢啲牛筋都勁大嚿，相當足料，而且所有嘢都煮得好入味好好食。本來
‣ 墨魚滑燒玉米燒 $68
本身諗住係墨魚漿撈粟米，結果原來係粟米仔夾住墨魚滑，視覺效果嚟講都幾得意。面頭仲有啲鹹蛋黃碎，唔同嘅口感、層次，再加埋鹹蛋黃嘅味道，我覺得呢個小食都值得嗌。
‣ 麻吉鹽酥雞 $78
食台灣菜唔食鹽酥雞好似爭啲嘢咁，所以循例都會嗌返碟鹽酥雞，平時食到嘅鹽酥雞好容易柴同埋乾，但係麻吉嘅鹽酥雞做得超嫩超好食，隔離仲有蛋黃醬俾你搭配一齊食。而佢嘅份量絕對對得住佢呢個價錢，值得一試。
‣ 超夯海鮮綜合蓋飯 $138
魚生飯、丼飯就食得多，但係呢一個蓋飯都幾過癮，冇諗過原來三文魚子撈埋魯肉一齊食個味道都係出乎意料之外嘅好。雖然係有少少辣，但係反而因為咁樣所以唔會覺得好膩。魷魚、貝柱同埋蝦仁原來都幾夾三文魚子，食嘅時候真係啖啖滿足。
‣ 經典牛肉全家福麵 $138
牛肉麵啲麵條好煙靭，同平時食到嘅麵條唔一樣，所以淨係個面底都比到驚喜我。面頭嘅溏心蛋都真係超級吸引，而且嗰啲牛肉超大塊，佢啲牛筋都勁大嚿，相當足料，而且所有嘢都煮得好入味好好食。本來同朋友諗住兩個主菜都唔係特別多，結果我哋都食到捧住個肚。
‣ 麻薯芋圓珍珠牛角窩夫 $88
牛角窩夫超級脆口，側邊仲有啲芋圓，煙煙韌韌又唔同口感。我自己好鍾意佢嘅鮮奶麻糬，個拉絲嘅效果真係冇得彈，而且超級重奶味，覺得佢嘅Texture啱啱好。
‣ 珍珠冰淇淋鮮奶茶 $52
超耐冇飲珍珠奶茶，飲嘅時候真係覺得好爽，啲珍珠煮到超級軟腍，茶底濃郁又唔會過甜，再加埋個雲呢拿雪糕，真係邪惡指數爆燈，但係相信我絕對係值得。
張貼
