湯火功夫麻辣燙 (已結業)

開始步入秋涼，想食辣嘢暖吓身？唔駛去咁遠嘅，近近哋銅鑼灣都有介紹！呢間湯火功夫主打麻辣燙，辣度麻度都可以自己揀，如果完全唔辣得，都仲有其他湯底選擇，今晚一於簡簡單單，同A姐食番碗麻辣燙啦。呢度除咗麻辣燙湯底，仲有蕃茄湯底同冬陰功湯底。不過，我哋兩個都對自家製嘅麻辣湯底最有興趣，無論辣度麻度都可以自己揀，揀完都覺得唔夠麻唔夠辣？枱面仲可以自己加麻加辣，加到夠為止。招牌麻辣燙M佬揀咗萵筍、金菇菜、肥牛、雲南米線（小麻小辣）A姐揀咗豆卜、油麥菜、嫩牛、雲南米線（走麻中辣）湯底用咗好多花生同花生醬，所以湯底夠滑，加上唔同嘅麻辣配料，湯底夠辣又夠香。而配料都好新鮮，索晒湯就最正！