廚十三老壇酸菜魚 (渣甸街) (已結業)

到底銅鑼灣邊度有地方可以食辣嘢？🤔就係喺富豪對面嘅👉🏻廚十三老壇酸菜魚👈🏻，實際位置係銅鑼灣渣甸街66號亨環4樓🤪，距離地鐵站大概有5至6分鐘路程，唔算太遠，都幾容易揾。餐廳環境格局都幾大，坐得幾舒服♥️-老壇酸菜魚🐟呢度嘅酸菜魚好大份㗎，四個人都唔係好食得晒！入面配菜可以自己選擇🤩魚肉嫩口又彈牙，夾起上嚟唔會散開，而且唔會有好多碎骨，麻麻辣辣🌶️，食得好爽🫢-麻辣砵砵雞🐤每一條竹籤都吉住一啲餸菜，有牛展，牛肚，牛脷，鵪鶉蛋，萵筍片，土豆片，雞腳。我自己最鍾意食牛展同埋萵苣，比較入味🙈辣到飛起😂-碧綠脆筍🥒呢一份係一份唔辣嘅小菜，可以中和返啱啱食完嘅立美，好爽脆嘅萵筍片，我超級鍾意食😋♥️💬給店內的留言:好多謝店員嘅悉心介紹，另外有一頓美味嘅晚餐。估唔到你哋嘅上上籤真係勁好味。下次我會再嚟食