影片
更多
2016-08-06
778 瀏覽
同朋友一齊去銅鑼灣行街，突然就行到黎登龍街，一直以來登龍街對我而言就係食拉麵既地方，今次我地就決定唔食拉麵，食下隱身於登龍街之中既呢間勝八。一坐低既第一件事就係叫野飲先！我點左一杯乳酸梳打（$38）而朋友就點左一杯梅酒梳打（$58）乳酸梳打酸酸甜甜，非常開胃解渴。而梅酒梳打，梅酒成分比預期中多，朋友好滿意。而小食方面，我地就點左日本淮山（$48）同埋自家制泡菜（$28）日本淮山食落好爽脆，雖然有腌過，味道帶點鹹，但係淮山入面既味道都好清新好純净，送酒食更是一流。雖然呢間係日本餐廳，但居然會有泡菜，而且係自家制好奇心驅使之下，我地就叫左黎試試泡菜味道同平時正宗韓式泡菜味道有少少分別，呢個泡菜不太辣，感覺上調味比起韓式泡菜少但係就能夠食到大白菜既清甜。食完小食之後就一定少不了要點刺身拼盤（$320）入面包括三文魚、油甘魚、劍魚、甜蝦、海膽同埋帶子。刺身尚算厚切，當中以三文魚同埋油甘魚最令人滿意，油脂味好突出，有入口即融既感覺。 帶子都好新鮮，海膽雖然唔算特別鮮甜，但幸好無令人難受既腥味，入口都幾creamy。另外我地仲點左燒花蟹（$350）估唔到花蟹都幾大隻，而且多肉，幾新鮮。不過最令人滿
一直以來登龍街對我而言就係食拉麵既地方，
今次我地就決定唔食拉麵，食下隱身於登龍街之中既呢間勝八。
一坐低既第一件事就係叫野飲先！
我點左一杯乳酸梳打（$38）而朋友就點左一杯梅酒梳打（$58）
乳酸梳打酸酸甜甜，非常開胃解渴。而梅酒梳打，梅酒成分比預期中多，朋友好滿意。
而小食方面，我地就點左日本淮山（$48）同埋自家制泡菜（$28）
日本淮山食落好爽脆，雖然有腌過，味道帶點鹹，
但係淮山入面既味道都好清新好純净，送酒食更是一流。
雖然呢間係日本餐廳，但居然會有泡菜，而且係自家制好奇心驅使之下，我地就叫左黎試試
泡菜味道同平時正宗韓式泡菜味道有少少分別，
呢個泡菜不太辣，感覺上調味比起韓式泡菜少
但係就能夠食到大白菜既清甜。
食完小食之後就一定少不了要點刺身拼盤（$320）入面包括三文魚、油甘魚、劍魚、甜蝦、海膽同埋帶子。
刺身尚算厚切，當中以三文魚同埋油甘魚最令人滿意，油脂味好突出，有入口即融既感覺。
帶子都好新鮮，海膽雖然唔算特別鮮甜，但幸好無令人難受既腥味，入口都幾creamy。
另外我地仲點左燒花蟹（$350）估唔到花蟹都幾大隻，而且多肉，幾新鮮。
不過最令人滿意既就係花蟹附近既蔬菜雜菌，
因爲已經吸收曬花蟹既精華，所以juicy得黎又鮮甜。
最後亦都點左和牛炒飯（$98），飽肚之選。和牛炒飯炒得都幾乾身，而且和牛分量不少，
再加上蒜片一齊炒，整體好香口好味。
整體我地都食得好滿意，環境都幾舒服。以後黎到登龍街除左拉麵，又多左一個選擇。
張貼
