阿來客棧雞煲火鍋 (已結業)

聽朋友講火鍋食雞煲成個體驗唔錯 所以呢晚就再過嚟試吓 餐廳除咗有雞煲之外 都有其他火鍋湯底 當然食完雞煲就可以加湯打邊爐啦🔥馳名重慶辣雞煲嚟到當然要試吓呢個惹味嘅重慶辣雞煲啦 不過我哋擔心越食越辣 所以都只係嗌咗小辣🫢 兩個人食半隻雞就夠晒數 嘅欣賞呢度嘅雞煲超有鑊氣 完全感受到個雞係用個鑊炒出嚟 雞肉沾上啲辣雞醬 真係好刺激 仲要肉嘅部份幾多 我就最鍾意食雞髀位置啦🍗 入面其他配料主要有洋蔥 芫荽 仲有香蔥牛氣冲天 見到喺鍋嘅下面仲有得揀多一款優惠配料 我哋見到呢一個選擇有晒牛腩 牛筋 牛舌 金錢肚 真係啱晒我呢個牛魔王🐮 比較特別嘅係呢一款優惠配料會喺鍋入面同雞煲一齊炒 所以一上枱嘅時候雞煲已經有晒呢四款配料㗎啦😝 牛腩同埋牛舌都炆得好腍 而且牛味好香 牛筋就非常有骨膠原 金錢肚個網紋非常索汁👍🏻 紐西蘭A級羊肉片食完雞煲就可以加湯打邊爐啦🍲 由於朋友好鍾意食羊肉 所以我哋就嗌咗呢一份🐑 羊肉質素唔錯 唔會剩係得肥膏或者瘦肉嘅部份 兩樣都有少少平衡返 一碟細碟嘅份量都比預期多魚皮餃我哋嗌咗一份嘅魚皮餃 所以望落好似多咗啲😉 魚皮餃嘅外層爽脆 入面嘅餡料都幾飽滿呢個火鍋專門店都幾真材