影片
更多
2022-05-31
32 瀏覽
特登嚟到銅鑼灣呢間餐廳食omakase，中午880一位，有四款刺身，一個燒物，一個蒸蛋，一個湯，五款壽司，烏冬，甜品，一共14樣嘢。去到嘅時候都好多人，但總體來講食物質素唔錯，但款式比較單調一啲，冇咩特別驚喜，八百幾蚊食嘅嘢都冇特別昂貴，普通壽司舖都食到？可能質素比較高，但冇一款係特別喺omakase會食到嘅高質鮮味食材😂😂起碼都有一款時令，矜貴，特別啲嘢食材？咁睇落冇乜誠意…..廚師比較忙碌亦都比較急趕，同食客互動比較少，只係話你知係咩壽司就算，唔會再特別介紹食物嘅產地或者特別嘅地方，未食完就上下一款，完全係手忙腳亂，是但掉件壽司比你食就算，壽司仲要一夾起舊飯就散開咗😂完全唔覺得食緊omakase，而且侍應服務比較生疏不夠細心，突然間在旁邊加水收碟，嚇到措手不及，好似撞埋嚟咁😂未食完碟嘢又唔問，急着收碟，後尾較為忙碌嘅時段，直程冇留意食客嘅需要過咗好耐，一滴水都冇加過，覺得高檔餐廳呢個服務質素真係對唔住呢個價錢……食食吓發現同其他食客食緊嘅omakase上嘅菜品都好唔同，有蠔，有天婦羅，又有蜜瓜？感覺人哋食嘅嘢矜貴得多呢😂可能佢哋叫咗其他套餐？因為侍應係冇俾我哋睇Menu嘅，直接當左
去到嘅時候都好多人，但總體來講食物質素唔錯，但款式比較單調一啲，冇咩特別驚喜，八百幾蚊食嘅嘢都冇特別昂貴，普通壽司舖都食到？可能質素比較高，但冇一款係特別喺omakase會食到嘅高質鮮味食材😂😂起碼都有一款時令，矜貴，特別啲嘢食材？咁睇落冇乜誠意…..
廚師比較忙碌亦都比較急趕，同食客互動比較少，只係話你知係咩壽司就算，唔會再特別介紹食物嘅產地或者特別嘅地方，未食完就上下一款，完全係手忙腳亂，是但掉件壽司比你食就算，壽司仲要一夾起舊飯就散開咗😂
完全唔覺得食緊omakase，而且侍應服務比較生疏不夠細心，突然間在旁邊加水收碟，嚇到措手不及，好似撞埋嚟咁😂未食完碟嘢又唔問，急着收碟，後尾較為忙碌嘅時段，直程冇留意食客嘅需要過咗好耐，一滴水都冇加過，覺得高檔餐廳呢個服務質素真係對唔住呢個價錢……
食食吓發現同其他食客食緊嘅omakase上嘅菜品都好唔同，有蠔，有天婦羅，又有蜜瓜？感覺人哋食嘅嘢矜貴得多呢😂可能佢哋叫咗其他套餐？
因為侍應係冇俾我哋睇Menu嘅，直接當左我哋係食lunch套餐嘅omakase。
發現Menu上面omakase有幾個款式，唔明白點解侍應冇問過我哋食邊一種，就直接當我哋係食lunch最平嗰個set😅起碼都介紹吓有幾款同埋中午套餐嘅omakase，而唔係最後問佢攞Menu睇先發現有唔同😂????? 覺得起碼都要尊重客人嘅選擇，而唔係幫客人決定…….
Lunch set omakase $880 另收加一 (7/10)
🍴刺身拼盤 (7.5/10)
由右邊開始食，深海池魚，清香。有微微魚油香 ，淋身嘅。中拖羅淋身唔腥，大拖羅淋身，有油香。油甘魚比較冇驚喜，正正常常，淋身有魚味 。青魚比較有驚喜好食，好香魚香，微， 淋身。
🍴燒帶子 (6/10)
燒香半熟，一啲都唔鮮甜，冇乜帶子味，但算滑身。
🍴醃製小菜 (6/10)
有牛榜，酸蘿蔔，紅酒蕎頭 ，正正常常酸酸地咁。
🍴海鮮蒸蛋 (7.5/10)
海鮮湯清香，有蛋味，有新鮮蟹肉，帶子，冬菇 ，都蒸得好滑。
🍴豆腐魚湯 (7.5/10)
鮮香，淡淡豆腐味，有魚味，有兩塊仔魚肉，都食得出有魚味。
🍴麥金鯛 (7/10)
有魚香，清香，飯冇乜醋味，粒粒分明，整得比較好鬆散。
🍴文甲魷魚配海膽醬 (8/10)
魷魚好新鮮，好淋同軟糯，帶少啲彈牙口感，好食！
🍴燒左口魚邊 (8/10)
燒香左，超級香香魚油，一咬就散，入口即化，好香好食。
🍴燒大拖羅壽司 (8/10)
油香軟淋，有魚油香，唔錯的。
🍴馬糞海膽壽司 (7.8/10)
香濃海膽，甜甜哋，有鮮味。
🍴稻庭烏冬 (6/10)
湯底係昆布甜甜哋，幼扁身烏冬，煮得淋了，冇咗烏冬煙韌嘅口感，好滑偏甜。
🍴甜品 (6/10)
抹茶偏甜，有抹茶味，未夠香濃，咖啡香濃，微苦回甘。芝麻微香芝麻，唔夠香濃，比較寡，雪糕都係普普通通。
推薦指數: 7/10
總括而言食物嘅質素係OK嘅，冇一樣嘢係好伏好難食，食得出食材嘅新鮮，但冇特別有驚喜，師傅嘅手法同埋技巧就唔係好食得出，同埋整體感覺氣氛服務都唔似係食緊omakase，比成$800一個人，唔係呢個服務態度同埋想喺omakase體驗唔到嘅嘢，如果一樣都係食壽司我叫個平平哋三$400嘅壽司拼盤可能都一模一樣😂
張貼
