麵家

同事幫襯過銅鑼灣的《麵家》，讚不絕口。今日同妹妹去 Times Square shopping，順道去到位於銅鑼灣登龍街18號 V Point 地下3號舖的《麵家》食午餐，餐廳係靚裝修，乾淨企理，環境舒適。我點左個 咩都有撈麵（粗麵）配招牌雞白湯 $86，時令油菜（菜芯）配腩汁 $22，餐飲係冷萃烏龍茶 $15；妹妹點左個咩都有湯麵 $78，湯底揀左招牌大地魚雞白湯，麵底揀左蝦籽麵，餐飲係紅茶花傳檸茶 $15。《咩都有》撈麵材料豐富，有魚蛋、墨魚丸、牛丸、魚片、貢丸、還有3片慢煮牛腩（自家炆），另外跟餐的湯中是大大粒的櫻花蝦雲吞（自家新鮮包），粗麵爽口好食，湯底好鮮甜（我係飲哂）；妹妹都話好味道。