岩鹽日本料理 (利舞臺廣場) (已結業)

今次係銅鑼灣覓食！呢間餐廳之前都食過幾次，質素都keep得住，今次仲好好彩坐到落地窗口位，個景好靚😍鍋燒烏冬定食 $128呢個餐雖然叫烏冬定食，但其實非常豐富，包埋天婦羅蝦一件，雜菜二件，三文魚飯團，定食跟餐仲有沙律，刺身，蒸蛋同漬物，加埋餐飲/雪糕，真係好豐富，好抵食。烏冬湯底清甜，似係昆布湯底。烏冬偏軟身，好岩我口味🥰鍋內仲有大量蔬菜，有金菇，冬菇，紅蘿蔔，大蔥同菠菜，加多隻半生蛋，食左好多蔬菜感覺好健康，雞蛋撈烏冬都好好食。天婦羅有蝦，南瓜同蕃薯，蝦肉爽口彈牙，南瓜同蕃薯都炸得軟糯香甜。三文魚飯團的形象好完美😆飯團有好多三文魚鬆，成個飯團都好惹味。刺身有三文魚，油甘魚同帶子。三文魚同油甘魚都好新鮮，好肥美，好鮮甜，帶子好彈牙。蒸蛋同沙律正常發揮。跟餐可以揀餐飲或者雪糕，我揀咗雪糕，都仲有兩款雪糕口味可以揀😋一款係Häagen-Dazs 的朱古力雪糕，另一款係Movenpick的焦糖燉蛋雪糕，咁我係揀creme brulee。雪糕的燉蛋味好香濃，配埋焦糖好好食😍岩鹽日本料理 (利舞臺廣場) (銅鑼灣)銅鑼灣波斯富街99號利舞臺廣場16樓A號舖*上述文章只供參考及以當時價格為準