影片
更多
2024-05-06
2187 瀏覽
之前餐廳bookmark咗好耐，終於去到😆餐廳的裝修好典雅，有大玻璃窗，好光猛，仲望到跑馬地馬場，氣氛好正😊好彩我12點就入座，中午12:15後都開始好多人，下次嚟要記住book枱。主菜 澳洲和牛面頰肉白菌短通粉配牛肝菌忌廉汁 $175通粉的賣相都幾精緻，而且聞落好香。呢款通粉都幾少見，食落都幾彈牙，配牛肝菌汁勁好食。牛面頰肉非常軟腍，味道濃郁。蘑菇煮得勁香，好好食，我仲食到淡淡的酒味。通粉睇落份量唔多，但意外地好飽肚，認真唔錯👍🏻跟餐 鳳尾蝦凱撒沙律蝦好大隻，肉質仲非常爽口彈牙👍🏻生菜都好新鮮好爽脆，sauce好香，蕃茄仔好甜🤩呢個沙律都幾高質。跟餐 粟米忌廉湯湯的質地唔算濃稠，味道唔錯，湯內有好多粟米粒，加d胡椒更好飲。跟餐 餐包勁欣賞餐廳的餐包，侍應會捧住兩款餐包任君選擇，有牛角包同蒜蓉包，我好貪心咁點哂兩款試吓😍牛角包非常酥脆，外皮一咬就碎開，牛油味好香。蒜蓉包勁濃味，而且好香脆，都唔錯。跟餐 熱紅茶Chez Bistro (銅鑼灣)銅鑼灣耀華街3號百樂中心21樓*上述文章只供參考及以當時價格為準
之前餐廳bookmark咗好耐，終於去到😆餐廳的裝修好典雅，有大玻璃窗，好光猛，仲望到跑馬地馬場，氣氛好正😊好彩我12點就入座，中午12:15後都開始好多人，下次嚟要記住book枱。
主菜 澳洲和牛面頰肉白菌短通粉配牛肝菌忌廉汁 $175
通粉的賣相都幾精緻，而且聞落好香。呢款通粉都幾少見，食落都幾彈牙，配牛肝菌汁勁好食。牛面頰肉非常軟腍，味道濃郁。蘑菇煮得勁香，好好食，我仲食到淡淡的酒味。通粉睇落份量唔多，但意外地好飽肚，認真唔錯👍🏻
跟餐 鳳尾蝦凱撒沙律
蝦好大隻，肉質仲非常爽口彈牙👍🏻生菜都好新鮮好爽脆，sauce好香，蕃茄仔好甜🤩呢個沙律都幾高質。
跟餐 粟米忌廉湯
湯的質地唔算濃稠，味道唔錯，湯內有好多粟米粒，加d胡椒更好飲。
跟餐 餐包
勁欣賞餐廳的餐包，侍應會捧住兩款餐包任君選擇，有牛角包同蒜蓉包，我好貪心咁點哂兩款試吓😍牛角包非常酥脆，外皮一咬就碎開，牛油味好香。蒜蓉包勁濃味，而且好香脆，都唔錯。
跟餐 熱紅茶
Chez Bistro (銅鑼灣)
銅鑼灣耀華街3號百樂中心21樓
*上述文章只供參考及以當時價格為準
張貼
