影片
更多
2022-07-04
1694 瀏覽
今日同朋友黎到位於銅鑼灣既哩間鐵板燒餐廳。餐廳環境寬敞舒適，佈置用心，有可以睇到廚師製作鐵板燒或壽司既吧枱位置，亦另設獨立房間。餐牌上有唔同價錢既套餐可以選擇，而且食材相當新鮮有質素。✨鐵板燒 二人晚餐 $2880🔸日式沙律沙律菜新鮮爽脆，加上蕃茄仔，淋上沙律醋，味道酸甜開胃。🔸特上刺身三點一上枱即刻心心眼，擺盤好靚好用心！三款刺身包括鰤魚、鮫鰈魚及中拖羅，三樣都超級新鮮。鰤魚質感肥美軟腍；鮫鰈魚質感爽身，醬汁微酸；中拖羅入口半融，充滿魚油香，真係高質好食👍🏻🔸澳洲龍蝦龍蝦新鮮彈牙，鮮味十足，配上由龍蝦膏製成既醬汁，味道香濃。🔸香煎鴨肝鴨肝超驚喜超好味❗️外皮煎得香脆，一咬落去入口即溶，成個口滿佈油脂香，係口腔迴盪，係會有種唔捨得食晒既感覺🥹另外配有三文魚籽同埋微酸既醬汁，能夠中和油膩感，超好食推薦👍🏻🔸鐵板白鱈魚 白鱈魚魚肉嫩滑，充滿油脂香，同樣入口即融，師傅另外將魚皮煎成薄脆片，咬落去非常香脆。🔸A5 日本和牛薄燒 A5 Wasyu Beef 和牛薄燒超級juicy好味，附有鹽、Wasabi、蒜片及醬汁，建議第一舊先試原汁原味，之後再按師傅推介加上Wasabi及蒜片一齊食，兩款食法都
餐牌上有唔同價錢既套餐可以選擇，而且食材相當新鮮有質素。
✨鐵板燒 二人晚餐 $2880
🔸日式沙律
沙律菜新鮮爽脆，加上蕃茄仔，淋上沙律醋，味道酸甜開胃。
🔸特上刺身三點
一上枱即刻心心眼，擺盤好靚好用心！三款刺身包括鰤魚、鮫鰈魚及中拖羅，三樣都超級新鮮。鰤魚質感肥美軟腍；鮫鰈魚質感爽身，醬汁微酸；中拖羅入口半融，充滿魚油香，真係高質好食👍🏻
🔸澳洲龍蝦
龍蝦新鮮彈牙，鮮味十足，配上由龍蝦膏製成既醬汁，味道香濃。
🔸香煎鴨肝
鴨肝超驚喜超好味❗️外皮煎得香脆，一咬落去入口即溶，成個口滿佈油脂香，係口腔迴盪，係會有種唔捨得食晒既感覺🥹另外配有三文魚籽同埋微酸既醬汁，能夠中和油膩感，超好食推薦👍🏻
🔸鐵板白鱈魚
白鱈魚魚肉嫩滑，充滿油脂香，同樣入口即融，師傅另外將魚皮煎成薄脆片，咬落去非常香脆。
🔸A5 日本和牛薄燒 A5 Wasyu Beef
和牛薄燒超級juicy好味，附有鹽、Wasabi、蒜片及醬汁，建議第一舊先試原汁原味，之後再按師傅推介加上Wasabi及蒜片一齊食，兩款食法都非常好食👍🏻
🔸湯品：龍蝦湯
龍蝦湯味道香濃，飲得出用上大量龍蝦殼熬製而成，入面仲有彈牙既龍蝦肉。
🔸炒飯
炒飯炒得乾身，粒粒分明，配料亦好豐富，有蝦乾、煙肉、雞蛋同蔥花，非常香口。
🔸時合野菜
野菜有芽菜、蘿蔔絲、韭菜、生菜絲等，配埋炒飯一齊食，真係可以完全清晒～
🔸甜品
甜品每日不同，今日就係柚子雪芭同綠茶蕨餅，柚子雪芭柚子味超濃，裏面仲要有柚子果肉，味道清新香甜，而且能夠解膩；綠茶蕨餅質感煙靭，帶有淡淡茶香。
整體黎講，餐廳環境舒適，每一樣食物都好高質素，係超級滿足既一餐，真係好適合黎慶祝生日、周年紀念等等特別既日子💕
張貼
