影片
更多
2018-06-02
86 瀏覽
每上一道菜都會有店員詳細解釋每一道嘅食法，同埋進食嘅先後次序，仲有一一介紹碟上面嘅食物1️⃣前菜前菜入面有高野豆腐、松前漬同番茄配蛋黃醬。高野豆腐就算係成個前菜裏面屬於比較清淡嘅一樣，豆腐用冷烏冬汁浸住，所以唔會好乾。而且佢好似一舊海綿咁，吸晒啲冷汁嘅味道，入口仲有淡淡的豆香。至於個松前漬方面，魷魚同昆布都切得好幼細，浸係甜醬油裏面，口感亦都比較爽脆。而且亦都可以食到魷魚嘅鮮味。雖然番茄伴蛋黃醬聽落就普通咗啲，不過亦都有驚喜。番茄入口好似車厘茄咁，入口冇渣而且味道入口清甜，舊番茄仲好juicy添！2️⃣刺身四種刺身方面就有水八爪魚、真鯛、牡丹蝦同炸牡丹蝦蝦頭。水八爪魚分開咗肉身同埋吸盤嘅部份。水八爪魚嘅肉身方面，晶瑩剔透而且口感爽脆彈牙。至於個吸盤方面size就屬於比較大粒，而且個口感超爽脆，非常特別。真鯛刺身方面，由於選用左厚切嘅方法，所以入口非常滿足。而且可以完美感受到肉質嘅鮮甜同埋彈性。至於個牡丹蝦方面就超級大隻而且亦都好鮮甜，仲好口肉添。另外牡丹蝦裏面包住左啲蝦膏，食落真係超級大滿足呀！而且佢個蝦膏仲好香添。個炸牡丹蝦蝦頭亦都炸得非常之脆口，個粉漿亦都比較薄，所以食起上嚟非常之香脆。3️⃣
每上一道菜都會有店員詳細解釋每一道嘅食法，同埋進食嘅先後次序，仲有一一介紹碟上面嘅食物
1️⃣前菜
前菜入面有高野豆腐、松前漬同番茄配蛋黃醬。
高野豆腐就算係成個前菜裏面屬於比較清淡嘅一樣，豆腐用冷烏冬汁浸住，所以唔會好乾。而且佢好似一舊海綿咁，吸晒啲冷汁嘅味道，入口仲有淡淡的豆香。
至於個松前漬方面，魷魚同昆布都切得好幼細，浸係甜醬油裏面，口感亦都比較爽脆。而且亦都可以食到魷魚嘅鮮味。
雖然番茄伴蛋黃醬聽落就普通咗啲，不過亦都有驚喜。番茄入口好似車厘茄咁，入口冇渣而且味道入口清甜，舊番茄仲好juicy添！
2️⃣刺身四種
刺身方面就有水八爪魚、真鯛、牡丹蝦同炸牡丹蝦蝦頭。
水八爪魚分開咗肉身同埋吸盤嘅部份。水八爪魚嘅肉身方面，晶瑩剔透而且口感爽脆彈牙。至於個吸盤方面size就屬於比較大粒，而且個口感超爽脆，非常特別。
真鯛刺身方面，由於選用左厚切嘅方法，所以入口非常滿足。而且可以完美感受到肉質嘅鮮甜同埋彈性。
至於個牡丹蝦方面就超級大隻而且亦都好鮮甜，仲好口肉添。另外牡丹蝦裏面包住左啲蝦膏，食落真係超級大滿足呀！而且佢個蝦膏仲好香添。
個炸牡丹蝦蝦頭亦都炸得非常之脆口，個粉漿亦都比較薄，所以食起上嚟非常之香脆。
3️⃣壽司五件
壽司方面就有深海池魚壽司、竹籤魚壽司、海鰻壽司、帶子壽司同燒左口魚裙邊壽司。另外佢呢度嘅壽司醋係用咗赤醋，所以壽司飯會呈現紅色。
至於個深海池魚方面，肉質非常緊緻，而且爽滑。入口仲好清甜添。
而個竹籤魚壽司就比較有驚喜，因為平時坊間都比較少見到，個味道同口感真係難以形容，要試過先知。
海鰻方面就食到有好濃郁嘅鰻魚味，而且食落亦都相當肥美同埋大舊。肉質方面就偏向比較爽嫩。
呢度嘅帶子相對比較厚身，所以入口可以食到帶子獨有嘅清甜味。而且帶子嘅肉身光滑細緻，亦都富有彈性。
至於個燒左口魚裙邊壽司方面，左口魚經過微微嘅炙燒，滲出咗少少魚油。而且左口魚裙邊入口接近即溶，真係非常高質。
4️⃣燒物
小編嗰日去食嘅燒物就咁岩係赤雞頸肉配柚子胡椒醬。個赤雞頸肉燒得啱啱好，表面帶有少少焦香。赤雞頸肉入口比普通雞肉更加爽口同嫩滑。配埋個柚子胡椒另一番風味。
5️⃣酢物
酢物方面就有呢個海苔醬東松島蠔配酸醋汁啫喱。東松島蠔肥美大隻，而且肉質爽滑，超級有肉地。生蠔入口鮮甜，而且唔會好重海水味。連埋個酸汁啫喱一齊食味道就更加清新，而且完全一啲腥味都冇。
6️⃣壽司五件
第二轉嘅壽司就分別係赤貝邊卷、昆布海膽壽司、昆布左口魚壽司、伊佐木壽司同拖羅壽司。
赤貝邊卷裏面包左啲赤背邊同埋青瓜絲，所以卷物入口除咗爽口之外仲帶有少少脆口。細細卷咁一啖一舊真係食得好滋味。
至於個昆布海膽壽司就係啲昆布夾住一排海膽，海膽嘅口感creamy，連埋個昆布一齊食個味道同口感都幾特別下。
昆布左口魚壽司上面嘅左口魚裙邊燒至半熟，所以入口有好香嘅魚油味，接近入口即溶， 十分肥美。
伊佐木壽司方面，魚生選用左厚切，所以入口可以食到滿滿伊佐木既鮮味。
拖羅壽司方面，拖羅入口即溶，完全食唔到有任何嘅筋，所以拖羅嘅質感會比較軟綿。
7️⃣湯
小編嗰日嘅湯就係呢個木魚清湯，啲木魚片係師傅即刨嘅，所以清湯上枱之後要等返幾分鐘先可以開始飲。清湯入口嘅味道就比較淡，不過就有好香嘅木魚味。
8️⃣日本生果
嗰日嘅生果就係個名好得意嘅木瓜蜜瓜。果然係瓜如其名，蜜瓜入口嘅口感好似木瓜咁比較淋身少少，但入口又有好清甜嘅蜜瓜味喎！
張貼
