一門 (已結業)

娜姐帶路，去銅鑼灣「一門」食日本菜。好耐冇嚟過， 不知不覺，一門開咗都有十幾年，真係要再試試佢地既“一門三傑”。「律師、 醫師、工程師？」 唔係， 你估仲係七、八十年代啲呀媽咩！「 廚師、壽司、品酒師？」唔係一定要乜師物師㗎！答案係玉子燒，東洋卷同埋串燒牛舌，我封既，哈哈！寶刀未老， 一門做嘅蟹肉玉子燒仍然超好食，蟹肉夠鮮，份量足，塞滿嚿方形奄列，而個蛋則做到有層次又好嫩，食落口好清，好鮮甜，正！東洋卷用班戟做皮真係攞你命， 包住蟹子，鰻魚，牛油果，沙律醬等等，口感味道應該不停在變化，奇就奇在你不覺得有變化，很低調的層次感，把各種食材，味道混為一體，妙不可言。 明明是複雜的設計，卻又帶出簡約的效果， 真正做到Less is More！牛舌調味調得好，切得夠薄，燒好都仲係好juicy， 一啲都唔乾，咁嘅串燒，咁嘅質素，食半打都唔夠啦！加埋有娜姐，陪佢飲Sake， 一齊奸爸爹！😂😂