肉多多火鍋

肉多多黎自台灣既火鍋料理，肉類豐富選擇多，就好似佢地主打既三款精選牛肉，手切和牛/大胃王/肉瀑布，賣相精緻打卡一流，最緊要係份量夠多！🥩 就愛牛大胃王 $468我地今次黎到就揀左就愛牛大胃王！超大份既牛大胃王，價錢只係$468，兩人食用既話，你根本已經唔需要叫其他野咁濟大胃王上面有各種唔同部位既牛肉，分別有頂級低脂牛+頂級霜降牛+澳洲和牛淨係係當中試晒咁多款既味道，都用左唔少時間呀！🥩 爆炒蒜頭蛤蜊雞湯 $128雖然佢地既主角係肉，不過打邊爐都係要有好味既湯底台式火鍋湯底材料一向講究，佢地既湯底都一樣，而且款式數量可以揀既都好多我地就揀左爆炒蒜頭蛤蜊雞湯，蒜頭同蛤蜊，雞加埋一齊即時爆炒，香味直撲埋黎呀打邊爐前可以先品嘗一下佢地既湯底，濃郁鮮甜，再加湯開餐啦！✨ 調料甜品吧調料吧有幾款推薦既醬料調配方法推薦，大家可以參考下，亦可以自由發揮佢地仲有古早味冬瓜茶作為甜品，好甜好好味，仲可以加入其他配料添🥩 生日肉蛋糕生日既朋友就更有口福啦，有呢個食肉獸最愛既生日肉蛋榚，黎接受肉之祝福啦!另外，各位每消費100蚊, 就有一個coin玩夾零食機，走前記得去玩下啦！而且每次消費後記得keep單呀！