爆爆鍋 (已結業)

位於銅鑼灣嘅爆爆鍋 😍帶來台式火鍋嘅獨特風味😋環境寬敞，坐得舒服🤩🤩而且自助區提供嘅蔬菜同醬料選擇多到你眼花撩亂🥗講到食物，真係要讚下佢哋嘅主餐🍖。可以選擇白飯、寬粉或者新竹米粉嚟配搭，我就最鍾意新竹米粉啦，Q彈得嚟又吸湯🍜安格斯牛小排同石紋精選牛肩肉都超級嫩滑😍😍肉味濃郁，簡直係肉食愛好者嘅天堂🐮湯底方面，夜市養生排骨鍋同爆炒燒酒烏雞鍋都好有特色🍲。排骨鍋嘅湯底鮮甜，而炒香嘅烏雞鍋嘅😳再加上火焰紅紅嘅微微酒香味🔥🔥則令人回味無窮😍配菜仲有夠哂粉嘅芋頭😋蜆，豆腐😍響鈴，菇🍄‍🟫🍄‍🟫蕃茄🍅丸類☺️蟹柳😋😋真係超級豐富呀😳😳如果你想要追加啲小食或者飲品，都有好多選擇🍹。懷念鹽酥雞同夜市炸魷魚都係必試嘅小食，外脆內嫩，真係夠晒味🦑🦑至於飲品，寒天翡翠檸檬同冬瓜檸檬愛玉都好解渴，超級清爽😌食完仲有支朱古力脆皮雪條送添😍真係好圓滿🈵🈵總括來講，爆爆鍋係一個好正嘅食堂，無論係同朋友聚會定係家庭聚餐都好啱👨‍👩‍👧‍👦。下次你去銅鑼灣，記得要試下啊❤️💜