影片
更多
2021-07-27
271 瀏覽
睇完餓底TV個介紹，喜歡食日本嘢又去唔到日本旅行，咁就唯有去日本居酒屋體驗下日本風情啦。雖然我唔識睇日文，不過見到香港人同信念兩個字就已經大概能夠連結到。呢度裝修簡簡單單，背景唔係用富士山，而係獅子山，山頂仲有一道光芒，作為香港人就會覺得好感動。前菜食就食佢哋推介嘅鵝肝。響法國，好多高級嘅餐廳都會自製鵝肝terrine，而只有最靚嘅餐廳先會比較多用完隻鵝肝來整。香港比較少見，而日式餐廳咁樣整鵝肝就更加係少之又少。鵝肝味道豐富濃郁而冇晒油膩嘅感覺，上面加上日式酸薑，酸酸甜甜，同響法國食鵝肝會加上無花果或者香檳醬有異曲同工之妙。而且有三件大大件，份量好足。申子和牛燒絕對係打卡呃like之作。用鹿兒島A4和牛，+生日本蛋黃同飯，完全屈機。唯一我好奇嘅係佢唔係用日本珍珠米而係用絲苗米，不過效果亦都真係唔錯，就咁生嘅牛肉上碟，然後…店員會喺你前面用火槍燒熟薄薄嘅和牛片。牛肉嘅肉汁包住充滿蛋香嘅白飯，仲加上油香同焦香，除咗呃like影相靚，味道真係唔錯。天婦羅明太子用紫蘇葉同明太子腌上炸漿炸，明太子味道好濃郁，以本菇作為配菜亦都非常之好，由於明太子本身係比較濃郁同鹹，真係適合配酒，無論係sake定
雖然我唔識睇日文，不過見到香港人同信念兩個字就已經大概能夠連結到。
呢度裝修簡簡單單，背景唔係用富士山，而係獅子山，山頂仲有一道光芒，作為香港人就會覺得好感動。
前菜食就食佢哋推介嘅鵝肝。響法國，好多高級嘅餐廳都會自製鵝肝terrine，而只有最靚嘅餐廳先會比較多用完隻鵝肝來整。香港比較少見，而日式餐廳咁樣整鵝肝就更加係少之又少。鵝肝味道豐富濃郁而冇晒油膩嘅感覺，上面加上日式酸薑，酸酸甜甜，同響法國食鵝肝會加上無花果或者香檳醬有異曲同工之妙。而且有三件大大件，份量好足。
日式特製鵝肝
4 瀏覽
0 讚好
0 留言
申子和牛燒絕對係打卡呃like之作。用鹿兒島A4和牛，+生日本蛋黃同飯，完全屈機。唯一我好奇嘅係佢唔係用日本珍珠米而係用絲苗米，不過效果亦都真係唔錯，就咁生嘅牛肉上碟，然後…
申子和牛燒
9 瀏覽
0 讚好
0 留言
店員會喺你前面用火槍燒熟薄薄嘅和牛片。牛肉嘅肉汁包住充滿蛋香嘅白飯，仲加上油香同焦香，除咗呃like影相靚，味道真係唔錯。
申子和牛燒
4 瀏覽
0 讚好
0 留言
天婦羅明太子用紫蘇葉同明太子腌上炸漿炸，明太子味道好濃郁，以本菇作為配菜亦都非常之好，由於明太子本身係比較濃郁同鹹，真係適合配酒，無論係sake定葡萄酒都可以搵到配合嘅選擇。
明太子天婦羅
10 瀏覽
0 讚好
0 留言
今晚相對失色嘅係呢一個菜，可能由於係居酒屋，預你叫嘢食係佐酒，嘢食味道都係偏濃同埋偏鹹，我哋今晚冇飲酒亦冇叫白飯，所以菜式對我哋來講就鹹咗少少啦。
鐵板炒野菜
7 瀏覽
0 讚好
0 留言
吉列芝士豚肉卷，比我哋想像中嘅大份好多，勁滿足而且豚肉都好香，吉列亦都揸得好香脆而且一點不油膩。
吉列芝士豚肉卷
5 瀏覽
1 讚好
0 留言
蓬鬆玉子嘅味道亦都唔算差，不過味道同日式玉子好唔一樣，冇平時嗰啲咁實，比較似西式奄烈，蛋炒得好滑，上邊用咗比較多嘅醬汁，包括燒汁同沙律汁，個人就認為多咗少少，不過都係果句，你呢度食嘢其實應該飲番杯酒先係最適合。
蓬鬆玉子
7 瀏覽
0 讚好
0 留言
呢度地方唔算大，所以枱同枱之間嘅空位唔多，不過每張枱中間都有隔板，感覺安全衛生，同事枱面提供嘅酒精搓手液質量亦都相當唔錯。
不得不提係我睇過老闆嘅訪問，舖頭有聘用更新人士，一間有社會責任嘅餐廳，真係應該大大力支持。
張貼
