影片
更多
2024-09-18
1234 瀏覽
喺銅鑼灣行街嘅時候見到呢間餐廳，咁啱播緊我好鍾意嘅歌First love，比佢吸引咗就入咗去食。每一張枱都有個蠟燭仔，勁有氣氛，而且啲cocktail都係有用心構思過，係值得二訪嘅餐廳。‣ U.S Black Angus Rib Eye Steak $368牛扒肉質細嫩，睇到啲粉紅色都知煎得啱啱好，係令我覺得滿意嘅五成熟。法式伯那西醬汁味道濃郁，搭配牛扒可以營造到滑順豐厚嘅口感。而我都好鍾意佢嘅配菜南瓜，口感相當軟熟，味道甘甜。‣ Roasted Pork Spare Ribs $318‼️極度推薦‼️面頭灑滿咗黑白芝麻，個豬肋骨真係相當大份，真係有兩個手掌咁大，而隔離啲沙律伴菜都一樣係咁多。而豬肋骨嘅肉都好嫩滑，好容易就切得開，燒烤醬調味都相當唔錯，味道相當濃郁。‣ Santé $148因為用白桃利口酒作為基調，所以帶出嚟嘅果香相當之濃郁，而我覺得佢嘅白茶香味都好強勁，令到個味道更加細膩。而飄浮緊嘅青檸令到杯酒帶啲酸酸甜甜嘅刺激感，而本身首歌都係話致敬一段難忘嘅愛情，所以甜膩、清新同埋酸澀可能就係愛情嘅寫照。‣ White Rose Lemonade $98同樣都係白茶做底，但相對上味道
‣ U.S Black Angus Rib Eye Steak $368
牛扒肉質細嫩，睇到啲粉紅色都知煎得啱啱好，係令我覺得滿意嘅五成熟。法式伯那西醬汁味道濃郁，搭配牛扒可以營造到滑順豐厚嘅口感。而我都好鍾意佢嘅配菜南瓜，口感相當軟熟，味道甘甜。
‣ Roasted Pork Spare Ribs $318
‼️極度推薦‼️面頭灑滿咗黑白芝麻，個豬肋骨真係相當大份，真係有兩個手掌咁大，而隔離啲沙律伴菜都一樣係咁多。而豬肋骨嘅肉都好嫩滑，好容易就切得開，燒烤醬調味都相當唔錯，味道相當濃郁。
‣ Santé $148
因為用白桃利口酒作為基調，所以帶出嚟嘅果香相當之濃郁，而我覺得佢嘅白茶香味都好強勁，令到個味道更加細膩。而飄浮緊嘅青檸令到杯酒帶啲酸酸甜甜嘅刺激感，而本身首歌都係話致敬一段難忘嘅愛情，所以甜膩、清新同埋酸澀可能就係愛情嘅寫照。
‣ White Rose Lemonade $98
同樣都係白茶做底，但相對上味道就比較單純好多，一樣都係濃郁嘅茶香，同樣都係帶啲酸酸甜甜嘅感覺，但係就冇酒帶嚟嘅微醺感。兩杯一齊飲就發覺個對比好明顯，相似但亦都唔相似，不過用嚟解膩一樣都係一流。
張貼
