影片
更多
2009-01-17
42 瀏覽
今篇文嘅相，係早前在「紅跑車」生日飯局影嘅。如同好多客人一樣，我都係因為此店成為開飯荃灣最受好評名店專程而來。經常路過此店，開口細細又燈光昏暗，再看那價錢牌，茶記格局卻比一線商場內越南食肆更貴，本來就無打算幫襯。但見開飯內好評如潮，就打去訂檯。四人卡座狹窄得很，兩人坐還可以，四人同桌很不自在。本身對越南菜無乜認識，除咗必點牛柳粒紅飯就無所謂。跟老闆娘說由她發板，結果就食咗餐越南「私房菜」。此話何解? 因為香煎原條馬頭魚、芝士燒焗珍寶蝦等菜式都係餐牌以外嘅，老闆娘熱情推介，也就唔好意思推卻。一如開飯食評所言，老闆娘實在過份熱情，其實我好怕呢種情況嘅。佢不時過來同我哋傾偈，又問好唔好食，唯有禮貌地答好(但係心入面唔係呢個答案)。老闆娘都知好多客都係從網上看過食評而慕名而來，亦有派卡片給我和邀請我到開飯寫篇食評。但講真，呢餐四人食唔飽又真係要用唔好味形容嘅越南菜，埋單要成$730，貴得要命。張檯有幾狹隘? 四張餐紙加埋多少少，睇吓一碟飯已經佔咗半張檯就知，真係茶記老麥都無咁逼。越南菜本來就係下價嘢，收越南食店中嘅頂級價錢，用餐環境狹隘死症無得改都算，好心唔該唔好用工廠飯堂級餐具啦。當然，要是
但見開飯內好評如潮，就打去訂檯。四人卡座狹窄得很，兩人坐還可以，四人同桌很不自在。本身對越南菜無乜認識，除咗必點牛柳粒紅飯就無所謂。跟老闆娘說由她發板，結果就食咗餐越南「私房菜」。
此話何解? 因為香煎原條馬頭魚、芝士燒焗珍寶蝦等菜式都係餐牌以外嘅，老闆娘熱情推介，也就唔好意思推卻。一如開飯食評所言，老闆娘實在過份熱情，其實我好怕呢種情況嘅。
佢不時過來同我哋傾偈，又問好唔好食，唯有禮貌地答好(但係心入面唔係呢個答案)。老闆娘都知好多客都係從網上看過食評而慕名而來，亦有派卡片給我和邀請我到開飯寫篇食評。
但講真，呢餐四人食唔飽又真係要用唔好味形容嘅越南菜，埋單要成$730，貴得要命。
張檯有幾狹隘? 四張餐紙加埋多少少，睇吓一碟飯已經佔咗半張檯就知，真係茶記老麥都無咁逼。越南菜本來就係下價嘢，收越南食店中嘅頂級價錢，用餐環境狹隘死症無得改都算，好心唔該唔好用工廠飯堂級餐具啦。當然，要是好味的話，如圖般賣相都算，但成餐除咗牛柳粒ok之外，根本唔好食，連最basic嘅生牛肉河都竟然唔得，牛肉又厚又嚡，越南菜餐廳點可以咁樣。
無記錯越南拼盤好似係$68定$78左右，無論賣相以至味道，都係唔得。其實我想食蝦餅，無諗過拼盤入面竟然無，好欠望；不過都係自己衰無問啫，唔關人事。睇見隻雞翼係兩寸長嘅迷你版，再睇吓扎肉片嘅賣相，唉。此乃上的第一道菜，心裡已在想，自己屋企做菜都會執吓餸菜嘅擺位吧? 好評餐廳賣相係咁的話，唔得囉。
芝士燒焗大蝦，$90隻，價錢、賣相都尚可，可惜焗出來芝士還芝士，蝦肉還蝦肉。可喜的是蝦應該是新鮮的，大隻得有手掌般長。
牛柳粒紅飯的牛柳唔錯，夠鬆化，份量亦多。唔知點解拼盤入面兩串串燒份量反而咁少，而且相比起來要勒得多。紅飯極乾硬，似印度菜，每次食越南菜我都必點紅飯，印象中紅飯唔應該係咁。
馬拉盞炒雜菜，賣相真係好難睇，有影到相，可惜openrice放得四張相上來。一味得個辣字，但重點係點餸時已同老闆娘講到明呢道菜係要走辣的。
其實當我食佢嘅生牛河，用嘅牛肉係鞋到我成世從未食過咁鞋嘅生牛肉，而且碗清湯淡如水，伙記卻完全無打算俾任何醬汁/醋/辣椒粒/青檸/香草等配料我嘅時候，我已決定，要是我在開飯寫食評，肯定係俾喊臉的了。
扎肉河接著送上。又係拼盤中那些扎肉，因為講咗走青走芽菜的關係，成碗河就只得河粉、清湯同幾片扎肉。我要重申，我哋檯面已放咗兩碗河，但都無人給付任何配料/醬汁，連好基本嘅酸醋都無，越南餐廳來說真係好「獨特」啦。
至於所有嘢都食完好耐先等到嘅煎馬頭魚，貌似煎咸魚，食落又好似煎大眼雞咁，又嚡又無味道，索價$240，認真唔識欣賞。可能在越南，這是特色菜吧? 但真係唔好食囉。
總共叫咗一碟煎馬頭魚$240、兩售燒大蝦約$180、一碟越南拼盤約$68、一碟炒雜菜$68、一碟牛柳粒紅飯$78、兩碗湯河各$38，送咗一個白飯、一人一片法飽同糖水，成餐既唔好食又食唔飽，咁就七舊幾水，早知去食自助餐啦，心痛死我喇。
結論係，開飯內食評參考尚可，切忌盡信，始終都係要自己食過先知龍與鳳。
張貼
