影片
更多
2015-11-23
5112 瀏覽
見到好多雜誌及報章介紹，決定早一星期Book臺同阿爸阿媽慶生日。當日下午仲收到確認電話，細心地問明人數，我估係為左要準備生猛海鮮掛，但呢個舉動都令我覺得好受重視呢！我地5:45就黎左，係門口等左5分鐘就比我地一家5口入去坐啦。老闆同員工都好親切，不斷介紹食材同食法。仲提我地小朋友可選兒童餐，平100蚊，不過我地最後都係要左5個大人餐，因為想食多d海鮮丫！上黎就落大大隻膏蟹，好多膏好重手，食落啖啖肉。期間有個好熱心又好人既女員工，會過黎望下熟未，又幫我地落蜆同分海鮮~~真係好sweet。跟住就食大細蜆同北寄貝了，一人分到好多，好似食極都有咁，d蜆同北寄貝好新鮮~~唔好意思影漏左兩碟，上面個煲旁邊白色個碟就係，而北寄貝掛住食完全唔記得左影。然後梗係食大大隻鮑魚啦，爸爸讚鮑魚好滑好林~然後食大大隻既蝦，每人兩隻，新鮮到成日跳出黎頂開個蓋~大家真係小心d唔好走蝦丫。最後係食多寶魚，好滑丫。熱心既店員時不時提我地唔好煮太耐，驚d骨會散落窩粥度。食完，就幫我地落南瓜、芋頭同粟米去熬粥了！我地叫左黑柏葉、花膠、豬腩肉、雞軟骨丸同埋響鈴卷~個雞軟骨丸真係必食，甜甜地又有雞軟骨既口感，真係好好食！不過個
我地5:45就黎左，係門口等左5分鐘就比我地一家5口入去坐啦。老闆同員工都好親切，不斷介紹食材同食法。仲提我地小朋友可選兒童餐，平100蚊，不過我地最後都係要左5個大人餐，因為想食多d海鮮丫！
上黎就落大大隻膏蟹，好多膏好重手，食落啖啖肉。期間有個好熱心又好人既女員工，會過黎望下熟未，又幫我地落蜆同分海鮮~~真係好sweet。
跟住就食大細蜆同北寄貝了，一人分到好多，好似食極都有咁，d蜆同北寄貝好新鮮~~唔好意思影漏左兩碟，上面個煲旁邊白色個碟就係，而北寄貝掛住食完全唔記得左影。
然後梗係食大大隻鮑魚啦，爸爸讚鮑魚好滑好林~
然後食大大隻既蝦，每人兩隻，新鮮到成日跳出黎頂開個蓋~大家真係小心d唔好走蝦丫。最後係食多寶魚，好滑丫。熱心既店員時不時提我地唔好煮太耐，驚d骨會散落窩粥度。
食完，就幫我地落南瓜、芋頭同粟米去熬粥了！我地叫左黑柏葉、花膠、豬腩肉、雞軟骨丸同埋響鈴卷~個雞軟骨丸真係必食，甜甜地又有雞軟骨既口感，真係好好食！不過個花膠好似有d沙呢！響鈴卷竟然係一大碟咁上，我估每人有三件！食完感覺好幸福，食左好多好野，埋單一家五口都只係一千鬆d，真係又平又好食。我特登隔一日先post食評，因為要最後測試有無人腸胃唔舒服，結果一家五口都無事，剩係覺得唔夠喉想再食多次者^^
題外話/補充資料：
鋪頭一層得5張臺，有兩層，座位真係好少~大家要食記得早d訂同埋唔好黎到先加人，因為，真係無位加比你架
(以上食評乃用戶個人意見 , 並不代表OpenRice之觀點。)
張貼
