影片
更多
2022-06-28
103 瀏覽
由於成日跑步去尖沙咀嘅關係，K11 Musea真係成日都去嘅選擇，當然，個度好多食肆，但唔係餐餐都要食得好豪，最緊要係好食又唔難等位，基於成日係呢度睇戲，食得快都好緊要。The Pot Spot 走嘅係中菜路線，由阿一鮑魚徒孫設計的中式fusion菜式 ，有不同嘅燉湯，涼快嘅小食，主食有好似丼飯嘅設計，但食嘅係鮑蔘刺肚，仲有不同嘅中式如蝦醬、山藥、牛臉頰選擇等等，記得平時food playground 大部分係西日食店較多，呢個快餐形式但又食到貴價食材，最緊要價錢合理，好緊要。佢嘅餐有湯有點心有主食，你如果想豪少少可以選擇一些貴價選擇，一定食得你高與，食物質素高而且大份慷慨，咁都係$120到，其他店可能都咁貴，但食嘅一定無咁靚。當日朋友幾個，試小食嘅選擇多，藤椒鮑魚、麻辣爽花膠同黃金蝦多士，樣樣好睇得，似貴價中菜，當中最愛麻辣爽花膠，個麻辣唔算太搶喉，絲絲口感配上花膠滑順，正。湯有好多你揀，愛湯水的一定目不暇給，當日有杞淮蟲草花燉花膠、三果雪蓮子燉海海底椰、珍菌雲腿燉冬瓜湯同沙參玉竹雪耳蘋果湯，好悶嘅我當然又係花膠，其水準直逼全盛時期的椰小盎，值得來試幾種唔同湯品。飯嘅選擇真係好多而且
The Pot Spot 走嘅係中菜路線，由阿一鮑魚徒孫設計的中式fusion菜式 ，有不同嘅燉湯，涼快嘅小食，主食有好似丼飯嘅設計，但食嘅係鮑蔘刺肚，仲有不同嘅中式如蝦醬、山藥、牛臉頰選擇等等，記得平時food playground 大部分係西日食店較多，呢個快餐形式但又食到貴價食材，最緊要價錢合理，好緊要。
佢嘅餐有湯有點心有主食，你如果想豪少少可以選擇一些貴價選擇，一定食得你高與，食物質素高而且大份慷慨，咁都係$120到，其他店可能都咁貴，但食嘅一定無咁靚。
當日朋友幾個，試小食嘅選擇多，藤椒鮑魚、麻辣爽花膠同黃金蝦多士，樣樣好睇得，似貴價中菜，當中最愛麻辣爽花膠，個麻辣唔算太搶喉，絲絲口感配上花膠滑順，正。
湯有好多你揀，愛湯水的一定目不暇給，當日有杞淮蟲草花燉花膠、三果雪蓮子燉海海底椰、珍菌雲腿燉冬瓜湯同沙參玉竹雪耳蘋果湯，好悶嘅我當然又係花膠，其水準直逼全盛時期的椰小盎，值得來試幾種唔同湯品。
飯嘅選擇真係好多而且特別，例如八年陳皮砵酒燉牛臉頰、酸菜脆炸鯛魚飯、斤両·鮑汁花膠刺參撈飯、溫泉蛋鮑魚蔥油培根脆脆拌飯、別不同蟲草花山藥雞飯、大澳蝦醬豚肉飯，我地都食咗幾個特別嘅可以分享下。
別不同蟲草花山藥雞飯係最愛，炸過嘅蟲草真係幾唔同，脆脆地，好好送飯，加上另一好健康嘅山藥，加上件件的雞件，撈下豉油，好好食。
溫泉蛋鮑魚蔥油培根脆脆拌飯又係豪華風格，咁樣配搭好少見。
蝦醬豚肉飯就傳統少少，蝦醬嘅香同肥肥地嘅豚肉好夾，仲有豆腐送，加上撈飯一流嘅甜豉油，如果你係平時大澳蝦醬嘅朋友，一定會愛上。
最豪一定係斤両·鮑汁花膠刺參撈飯，睇食乜都知食，花膠同小食質素一樣咁得，參就唔算大條，不過好爽口，最重要個醬汁非常好撈飯，呢個同別不同蟲草花山藥雞一樣係我大推。
有機會係商場行街食飯的話，要試下呢間新餐廳，特別係呢排K11悶悶地，有呢個新選擇又好質素，無理由唔試。
張貼
