影片
更多
2021-07-13
403 瀏覽
係咩原因驅使我哋天氣咁熱仲食辣嘢？其實今日主要係去食烤魚，因為朋友介紹呢度有個幾抵食嘅【烤魚套餐】 ，11:30 – 17:00嘅價錢只係$98，仲要星期六日都有，所以去開尖沙咀就嚟試吓。烤魚有五款湯底揀，我哋見天氣熱唔想食太辣，所以揀咗個清椒清香湯底。烤魚連埋個爐上枱，上面鋪滿青椒紅椒粒，湯底就有芫茜，酸中帶微微椒香，幾惹味。條烤魚都幾大條，湯底滾起再煮一陣就食得，烤魚皮脆，裡面嘅魚肉仲好鮮嫩。烤魚套餐可以叫配料打邊爐，有好多配料可揀，都只不過係$10-$20就有一款。【清水大蜆】啲蜆真係細隻咗少少，但蜆肉係鮮甜嘅；【廣島蠔】就新鮮水潤：其餘叫咗【肥牛】、【熟蝦】、同大大兜【油麥菜】。我哋又點咗隻【南非八頭鮑魚$88】，鮑魚肉色潤澤，一睇已經知好新鮮，上碟已經切好片，放落個爐度烚一陣就食得，入口爽甜鮮美。【滑蛋蔥花炒牛肉$88】都幾大碟吓，牛肉亦大大塊，好足料。炒滑蛋嘅蛋味濃郁，牛肉更加係意想不到咁軟腍。如果唔係食咗個烤魚，兩個人各叫一碗白飯送飯都好開胃，足夠飽肚。餐廳雖然主打麻辣四川菜，但非麻辣嘅菜式都算多選擇，嗜唔嗜辣都啱食～
烤魚有五款湯底揀，我哋見天氣熱唔想食太辣，所以揀咗個清椒清香湯底。烤魚連埋個爐上枱，上面鋪滿青椒紅椒粒，湯底就有芫茜，酸中帶微微椒香，幾惹味。條烤魚都幾大條，湯底滾起再煮一陣就食得，烤魚皮脆，裡面嘅魚肉仲好鮮嫩。
烤魚套餐可以叫配料打邊爐，有好多配料可揀，都只不過係$10-$20就有一款。
【清水大蜆】啲蜆真係細隻咗少少，但蜆肉係鮮甜嘅；【廣島蠔】就新鮮水潤：其餘叫咗【肥牛】、【熟蝦】、同大大兜【油麥菜】。我哋又點咗隻【南非八頭鮑魚$88】，鮑魚肉色潤澤，一睇已經知好新鮮，上碟已經切好片，放落個爐度烚一陣就食得，入口爽甜鮮美。
【滑蛋蔥花炒牛肉$88】都幾大碟吓，牛肉亦大大塊，好足料。炒滑蛋嘅蛋味濃郁，牛肉更加係意想不到咁軟腍。如果唔係食咗個烤魚，兩個人各叫一碗白飯送飯都好開胃，足夠飽肚。
餐廳雖然主打麻辣四川菜，但非麻辣嘅菜式都算多選擇，嗜唔嗜辣都啱食～
張貼
