影片
更多
2021-06-15
177 瀏覽
.肥Doi一直都係沾麵控黎，差唔多全港接近大大小小既沾麵都食過，呢間主打鯛魚湯既【〇de▽鯛 白湯らーめん】係【座銀】既姊妹店黎，襯疫情放緩左即刻黎試下。鋪頭門口會有2位staff好詳細咁同你介紹每款麵食，非常有禮貌同貼心👍。鋪頭唔算好大，得一兩張枱同大約10個Bar枱位，大約六點半去食唔洗等可以直接入去，但食完出面已經排哂長龍。⚠温馨提示：呢度同Mashi No Mashi一樣用機點餐，只收八達通同信用卡⚠-《鯛沾麵》$148【座銀】既雞白湯沾麵一直係肥Doi既favourite，所以抱住好高期望黎試鯛沾麵。Open kitchen既關係可以睇到師傅準備麵食既每一個步驟，收到客人Order之後會將大大舊既鯛魚肉同湯頭一齊煮，跟住用blender攪到個湯杰身呈起泡狀態，由坐低到沾麵上枱應該10分鐘都唔夠，手勢超快！沾汁入面有攪碎左既鯛魚肉、細叉燒粒同洋蔥粒，味道唔似出面坊間啲魚介沾麵咁死鹹，食之前落返少少青檸汁中和返個鹹味，可以突顯到鯛魚肉既味道。個麵先係世界級，碗底有乾冰加水，煙霧瀰漫既效果用黎拍片打卡一流，麵條打破沾麵既傳統，類似刀削麵既扁麵條比普通麵條更加掛湯，但係美中不足係放耐
.
肥Doi一直都係沾麵控黎，差唔多全港接近大大小小既沾麵都食過，呢間主打鯛魚湯既【〇de▽鯛 白湯らーめん】係【座銀】既姊妹店黎，襯疫情放緩左即刻黎試下。
鋪頭門口會有2位staff好詳細咁同你介紹每款麵食，非常有禮貌同貼心👍。鋪頭唔算好大，得一兩張枱同大約10個Bar枱位，大約六點半去食唔洗等可以直接入去，但食完出面已經排哂長龍。
⚠温馨提示：呢度同Mashi No Mashi一樣用機點餐，只收八達通同信用卡⚠
-
鯛沾麵
16 瀏覽
0 讚好
0 留言
鯛沾麵
35 瀏覽
0 讚好
0 留言
《鯛沾麵》$148
【座銀】既雞白湯沾麵一直係肥Doi既favourite，所以抱住好高期望黎試鯛沾麵。Open kitchen既關係可以睇到師傅準備麵食既每一個步驟，收到客人Order之後會將大大舊既鯛魚肉同湯頭一齊煮，跟住用blender攪到個湯杰身呈起泡狀態，由坐低到沾麵上枱應該10分鐘都唔夠，手勢超快！
沾汁入面有攪碎左既鯛魚肉、細叉燒粒同洋蔥粒，味道唔似出面坊間啲魚介沾麵咁死鹹，食之前落返少少青檸汁中和返個鹹味，可以突顯到鯛魚肉既味道。
個麵先係世界級，碗底有乾冰加水，煙霧瀰漫既效果用黎拍片打卡一流，麵條打破沾麵既傳統，類似刀削麵既扁麵條比普通麵條更加掛湯，但係美中不足係放耐左麵條容易痴埋一舊。
忽發奇想，如果係座銀既雞白湯配鯛白湯既麵，應該係天下無敵。
⚠温馨提示：如果食食下嫌沾汁唔夠熱，可以叫師傅幫你加熱
⚠
.
炸雞
10 瀏覽
0 讚好
0 留言
《炸雞》$48
同【座銀】一樣都係有炸雞小食，呢度配咖哩粉而座銀係配檸檬粉，肥Doi覺得2間既炸雞都不相伯仲，可能鯛白湯既贏少少馬鼻。炸粉唔厚放左一陣先食都keep到脆口，入面肉汁都ok多但夾雜住唔少肥膏。
-
👅味道：8/10
🍱賣相：9/10
🏠環境：8/10
⭐總評分：8/10
-
〇de▽鯛 白湯らーめん(中環)
📍中環鴨巴甸街13號地鋪
-
張貼
