霸王川莊 (已結業)

同男友兩個想食辣野，又唔想行去市中心個邊，望下yoho 水牌先醒起霸王都有得食辣，主打串燒類點知去到就比個水煮魚吸引左因為生日月份，見到有得upgrade, 但都問清店員例牌，加大同豪華裝有咩分別，費事食唔哂浪費食物店員話例牌已經夠3-4人 食，加大係6-8人。。豪華就真係好多聽到甘，我地兩個人都係乖乖叫番個例牌算啦，連小食同菜都唔敢叫，驚太多水煮既話仲可以免費揀四種配料我地揀左蘿蔔，木薯粉，牛肚，同娃娃菜一上台，真係好慶幸我地無叫其他野，因為就甘水煮都一定食唔哂水煮底偏麻，有一至五隻🌶揀，我地揀左三隻，隻麻好勁，已經食唔到其他味，辣味就ok,唔算好勁，但都唔夠香魚我地揀左桂花魚，口感偏硬身，無魚味，好一般牛肚份量好多。。。最後食剩好多，但我唔食牛肚，所以唔知好無食啦蘿蔔好入味，仲帶有少少甜，好食！！娃娃菜又係好甜～～麻到甘都仲食到甜味呀木薯就正正常常～都係煙韌彈牙最後我地頂唔住，叫左杯大水果茶水果足料，飲到水果香，唔錯同埋依度本身比既熱茶係好似內地甘，自己個杯有哂料，所以會帶少少甜味成餐飯人均200$, 仲要食唔哂，真係好抵食