勝八鉄板串料理 (已結業)

今日約埋兩個朋友去銅鑼灣覓食，第一時間就諗起永光中心呢幢好多餐廳既商業大廈，之前去過勝八居酒屋覺得整體食物水平都唔錯，今次見到佢樓上開多左間勝八鐵板串，睇過openrice 既相見到有師傅企響鐵板前即叫即燒，似模似樣，所以同朋友上去試一試。餐廳環境餐廳門外有大大既日式燈籠同掛布，充滿日本風味，而店內既座位與座位間保持一段距離，即使同朋友暢談都唔怕隔離枱聽到~今次食物由朋友發板，坐左十分鐘前菜就到。玉子豆腐$48呢個前菜一到既時候我真心笑左，真係忍唔住讚一讚我朋友竟然點左呢樣咁有趣既前菜。玉子豆腐同平時響街市買幾蚊一條既味道同口感一樣，但上面都有d心思地加上左木魚花，化腐朽為神奇。毛茄配飛魚子 $38毛茄即係秋葵，切成細細粒後中間黏黏地既汁液正好可以黏上飛魚子，口感爽脆毛茄香甜。串燒呢晚既主角出場喇，我地一共叫左9串較有特色既串燒：牛肋肉：$68一客兩件既牛肋肉好大件，牛肉燒得香口而帶肉汁。大蝦$88$88 一隻既大蝦當然有所期待，大蝦爽口彈牙，肉質鮮嫩而能夠輕易從竹簽上拿出。海膽帶子$68帶子燒得金黃但肉身較薄，如能原隻燒既口感更佳，而上面既海膽味道鮮甜，不帶苦澀味。廣島燒蠔 $58一