山女魚 (已結業)

遲來既食評，呢間餐廳係6月時同朋友去試午市鐵板，一直太忙冇時間寫食評。係openrice 網上訂座，訂座時記得寫明係食鐵板定omakase，因為呢間餐廳既omakase 都非常之受歡迎。餐廳將鐵板燒同omakase 分開兩個用餐區，兩邊裝修風格完全兩極，omakase 個邊用上白色，非常明亮，相反鐵板燒個邊就以黑色為主調。當日鐵板燒午餐餐牌得一款，沒有其他選擇，但有齊鮑魚，鱈魚，帶子同薄燒牛肉，當然仲有必備既沙律，炒野菜，炒飯同甜品。鐵板燒師傅只係為我地一台服務，會主動介紹每一道菜既食物，裝飾，感覺非常良好。食材非常新鮮，擺盤精美好有藝術感，服務員招呼殷勤。