Metal Steak (已結業)

新年流流，一家人去食個靚扒先 ，朋友介紹中環有間食扒的 ，食幾多切幾多去磅 ，好似好得意咁 ，都幾快餐店 feel ，不過未食過又試試啦！店內一共2層 ，唔係好大間 ，係門口選好食物，比晒錢就會有店員送去你個位。地方都叫ok 都算 乾淨整潔， 燒烤為係透明玻璃， 你可以睇住佢燒扒，D扒油燒到紅紅火火。雖然係按安士計，但原來切原一片的和牛 ，都唔會平得去邊。和牛扒 ，好油好香夠多汁 ，真是入口軟淋淋好化，但真是好肥。想唔到羊扒，都好好味，唔會太騷味，燒得剛剛好，又唔會太un, 入口嫩滑， 夠juicy。個湯 ，好creamy, 香濃好味，好似濃厚的粟米汁咁 。