影片
更多
2024-08-21
281 瀏覽
自己去完旅行，返嚟梗係要同男朋友食餐好嘅😙揀咗呢一間有返咁上下歷史嘅鐵板燒餐廳秋田二人前套餐 （$888/人）季節沙律蔬菜新鮮唔使講，特別係佢有一粒冰鎮蕃茄，有柚子嘅味道，好清甜，唔似食緊蕃茄， 十分有清涼感，好開胃！😍魚籽鵝肝蒸蛋鮮美既鵝肝同魚籽擺埋一齊本身都冇得輸，再加上熱辣辣、滑捋捋嘅蒸蛋，真係再加一分🥰 鵝肝軟滑，唔太濃味，魚子鹹鹹地同時又增加口感，配搭得好好。鮮活時令龍蝦鐵板燒有個重點，就係可以望住廚師烹調，同埋有互動。廚師首先擺咗今日會用到嘅食材喺枱面先，然後再逐一烹調。廚師喺我哋面前現烹龍蝦 (過程對小朋友嚟講可能會嚇親，如果同小朋友去要教導下佢哋先🥹）經過鐵板烹調之後，高溫鎖住龍蝦嘅鮮甜，令龍蝦鮮活彈牙，肉質更肥美多汁。除非仲會表演用大火燒龍蝦頭，龍蝦頭都有作用㗎，就係用嚟煲龍蝦湯👍🏻👍🏻原隻鮮活南非鮑魚南非鮑魚十分新鮮，肉質緊實彈牙又大隻！昆布忌廉汁帶有柔和海藻嘅香味，配搭埋鮑魚更突出鮑魚嘅鮮味，點醬一齊食又別有一番風味🤩季節時令海鮮 - 帶子在高溫鐵板烹烤下，帶子表面微焦，但裏面依然保持了Q彈既質地同鮮甜既味道。師傅話帶子上有胡椒柚子調味料，可能會攻鼻，不過我自己就
秋田二人前套餐 （$888/人）
季節沙律
蔬菜新鮮唔使講，特別係佢有一粒冰鎮蕃茄，有柚子嘅味道，好清甜，唔似食緊蕃茄， 十分有清涼感，好開胃！😍
45 瀏覽
0 讚好
0 留言
魚籽鵝肝蒸蛋
鮮美既鵝肝同魚籽擺埋一齊本身都冇得輸，再加上熱辣辣、滑捋捋嘅蒸蛋，真係再加一分🥰 鵝肝軟滑，唔太濃味，魚子鹹鹹地同時又增加口感，配搭得好好。
8 瀏覽
0 讚好
0 留言
9 瀏覽
0 讚好
0 留言
鮮活時令龍蝦
鐵板燒有個重點，就係可以望住廚師烹調，同埋有互動。廚師首先擺咗今日會用到嘅食材喺枱面先，然後再逐一烹調。
廚師喺我哋面前現烹龍蝦 (過程對小朋友嚟講可能會嚇親，如果同小朋友去要教導下佢哋先🥹）經過鐵板烹調之後，高溫鎖住龍蝦嘅鮮甜，令龍蝦鮮活彈牙，肉質更肥美多汁。除非仲會表演用大火燒龍蝦頭，龍蝦頭都有作用㗎，就係用嚟煲龍蝦湯👍🏻👍🏻
0 瀏覽
0 讚好
0 留言
原隻鮮活南非鮑魚
南非鮑魚十分新鮮，肉質緊實彈牙又大隻！昆布忌廉汁帶有柔和海藻嘅香味，配搭埋鮑魚更突出鮑魚嘅鮮味，點醬一齊食又別有一番風味🤩
0 瀏覽
0 讚好
0 留言
季節時令海鮮 - 帶子
在高溫鐵板烹烤下，帶子表面微焦，但裏面依然保持了Q彈既質地同鮮甜既味道。師傅話帶子上有胡椒柚子調味料，可能會攻鼻，不過我自己就覺得唔算，反而幾特別，再配埋海苔一齊食，都幾match！🤭
0 瀏覽
0 讚好
0 留言
香煎頂級鵝肝
呢塊匈牙利鵝肝超大塊！表面金黃酥脆，內裡就柔滑似黃油。師傅教我哋要點晒啲意大利黑醋，鵝肝同多士一齊食，最後再用菠蘿解膩。鵝肝的香醇濃郁係口中化開，其實食完成嚿都唔會好膩，但令人回味無窮🤤
6 瀏覽
0 讚好
0 留言
鹿兒島霜降和牛薄燒卷
和牛肉質細嫩多汁，配搭上炸蒜同蔥，更加有口感，配搭埋鹽昆布，令到口感更加豐富🤓
0 瀏覽
0 讚好
0 留言
鹿兒島霜降和牛厚燒
厚燒又係另一個食法😆肉質細膩富有彈性，又有入口即溶嘅感覺，配上Wasabi食，更特出肉汁既和牛嘅香味。
0 瀏覽
0 讚好
0 留言
龍蝦清湯
冇錯，啱啱師傅燒嘅龍蝦頭又出現返😋 佢似係味噌湯，但係加咗龍蝦就成件事唔同咗。湯頭鮮美濃郁，飽含龍蝦既甜美鮮香，可以清下食完和牛既肉感😙
0 瀏覽
0 讚好
0 留言
炒野菜
高溫鐵板保留左蔬菜既原汁原味，掛住食已經冇留意師傅有冇加調味料🤣不過咁多款菜加埋都好夠味，亦都好似幾健康🙈😂
0 瀏覽
0 讚好
0 留言
秋田炒飯
飯粒粒粒分明唔散基本啦，色澤都唔錯，幾多配料，唔錯👍🏻 不過其實食到炒飯呢part已經大飽，不過咁好食我都有繼續頂硬上🤣
5 瀏覽
0 讚好
0 留言
精選甜品
最後，甜品係紅豆銅鑼燒！師傅話銅鑼燒夾雪糕最好食，但係銅鑼燒要等佢攤凍咗啲先得。雪糕有得揀士多啤梨或者抹茶，我同男朋友都揀咗士多啤梨梨，士多啤梨雪糕超好食😍😍 就咁食都好滿足！不過有個位勁好笑，我哋好蠢地以為係將成舊雪糕擺入銅鑼燒，結果食到勁呢hea😂😂其實只係將少少雪糕擺入去夾住食就OK😂 的確係好食嘅，甜品冇得輸，對我嚟講亦唔會好甜👍🏻 應該要介紹俾多啦A夢知道，等佢唔好淨係鍾意食紅豆銅鑼燒🤣🤣🤣
最後八卦見到有個corner有公仔同happy birthday字句。原來餐廳會為有慶祝活動或者生日嘅客人預備鐵板燒字句同埋畫埋公仔，俾客人打卡，仲會幫手晒相，超級貼心😍如果有慶祝，真係可以考慮吓黎呢度呀☺️
結論
🫰食物新鮮度同味道都有水準
🫰服務態度良好
每道菜之間都要啲等候時間，啱晒同朋友傾偈或者睇師傅表演😙
好味度：9/10
回頭度：8.5 (要慶祝會過嚟😆）
餐廳資料
餐廳名稱：秋田鐵板燒刺身專門店
餐廳地址：尖沙咀天文台圍8號1樓
營業時間：星期一至日 12:00-15:00 & 17:30-23:00
張貼
