影片
更多
2024-05-13
69 瀏覽
鐵板燒深得大家喜歡因為望住師傅係鐵板面前用巧手炮製新鮮食材係食客一大視覺享受呢間鐵板燒裝修沒有花巧佈置以黑色、大石牆為主調簡約風格令人減低視覺壓迫感突顯返師傅板燒過程同食材嘅本身味道師傅都健談好開心嘅晚餐🔆三文魚籽牛油果蟹肉沙律牛油果蓉同蟹肉好夾加埋微酸的汁好開胃🔆澳洲黑邊大鮑魚配海草鮑魚比我拳頭仲大分三種食法中間部份較爽口就切得薄身啲伴XO醬鮑魚肝醬鮑魚頭尾部位會口感林啲用黎切粒伴以微辣調味相對惹味！最後鮑魚邊味最重、更食得出海水味所以會落青檸汁平衡一下🔆甘鯛立鱗燒甘鯛魚係日本飛機貨平時我地冇咁易買到師傅先將魚鱗煎至香脆魚肉部份就以焗嘅方法焗熟魚鱗超香口食落似薯片！魚肉焗熟所以一啲都唔乾身甘鯛下面係魚湯（加左海膽醬、蘆筍、洋蔥）質地偏稠魚肉伴湯食都香滑🔆季節海鮮蟶子兩吃一半以快燒方法至7成熟原汁原味享用嘅蟶子超級清甜、而且肉質肥美另一半以類似避風塘方式呈現加入櫻花蝦干同蒜蓉炒超香超惹味愛了！🔆清酒煮蜆成鍋都係清酒鐵板上燒滾後再點火過程都燒好耐😆（睇呢個仲好過節日煙火）蜆好肥美清酒湯頭微辣飲落好舒服（師傅仲會問食唔食得微辣先）🔆美國牛肉厚燒+薄燒厚燒部份用上美國牛柳推薦5成熟肉味香濃但
因為望住師傅係鐵板面前用巧手炮製新鮮食材
係食客一大視覺享受
呢間鐵板燒裝修沒有花巧佈置
以黑色、大石牆為主調
簡約風格令人減低視覺壓迫感
突顯返師傅板燒過程同食材嘅本身味道
師傅都健談
好開心嘅晚餐
🔆三文魚籽牛油果蟹肉沙律
牛油果蓉同蟹肉好夾
加埋微酸的汁好開胃
🔆澳洲黑邊大鮑魚配海草
鮑魚比我拳頭仲大
分三種食法
中間部份較爽口
就切得薄身啲伴XO醬鮑魚肝醬
鮑魚頭尾部位會口感林啲
用黎切粒伴以微辣調味
相對惹味！
最後鮑魚邊味最重、更食得出海水味
所以會落青檸汁平衡一下
🔆甘鯛立鱗燒
甘鯛魚係日本飛機貨
平時我地冇咁易買到
師傅先將魚鱗煎至香脆
魚肉部份就以焗嘅方法焗熟
魚鱗超香口食落似薯片！
魚肉焗熟所以一啲都唔乾身
甘鯛下面係魚湯（加左海膽醬、蘆筍、洋蔥）
質地偏稠
魚肉伴湯食都香滑
🔆季節海鮮
蟶子兩吃
一半以快燒方法至7成熟
原汁原味享用嘅蟶子超級清甜、而且肉質肥美
另一半以類似避風塘方式呈現
加入櫻花蝦干同蒜蓉炒
超香超惹味
愛了！
🔆清酒煮蜆
成鍋都係清酒
鐵板上燒滾後再點火
過程都燒好耐😆
（睇呢個仲好過節日煙火）
蜆好肥美
清酒湯頭微辣飲落好舒服
（師傅仲會問食唔食得微辣先）
🔆美國牛肉厚燒+薄燒
厚燒部份用上美國牛柳
推薦5成熟
肉味香濃但又入口即化
配上即炸蒜片同自家調配燒汁
🔆安格斯薄燒
以牛肉片包入大量蒜蓉
但食落蒜味不大
反而牛肉味更突出
🔆另外套餐會配炒野菜、炒飯、麵豉湯、漬物同甜品
炒飯加入左蔬菜粒同日本高菜
食落微微咸香
🔆甜品係乳酸綿綿冰配焦糖多士
經師傅一致決定特別揀用黃糖而唔係白砂糖黎整焦糖面
食落保留到焦糖個份邪惡但甜度相對冇咁高
師傅一邊煮一邊又要留意食客嘅速度、反應
又要留意食材煮食變化
同時又要同客人交流
處理咁多野嘅時候都展現出游刃有餘嘅感覺
好正嘅鐵板燒體驗
最尾我地講起啲碟真係好靚
同裝修好夾
原來啲碟都係老板揀的！
張貼
